विश्वभूषण लिमये, साम प्रतिनिधी

बिल मागितलं म्हणून एका हॉटेल मॅनेजराला ४ ते ५ जणांच्या टोळक्याने जबर मारहाण केलीय. या मारहाणीची घटना सीसीटीव्हीत कैद झाला असून हे व्हिडिओ सोशल मीडियावर व्हायरल झालाय. दरम्यान, मारहाण केल्यानंतर या टोळक्याने मॅनेजरकडे खंडणी देखील मागितली. याप्रकरणी बार्शी पोलीस स्टेशनमध्ये चौघा जणांविरोधात गुन्हा दाखल करण्यात आलाय.

बार्शीतील एका हॉटेलमध्ये बिल देण्यावरून एका टोळक्याने मॅनेजरला तुफान मारहाण केली. ही सर्व घटना सीसीटीव्ही कॅमेऱ्यात कैद झालीय. मारहाणीची घटना मंगळवार २३ जुलैच्या रात्रीची आहे. रात्री पावणे आठ वाजता या टोळक्याने बिल मागितलं म्हणून मॅनेजरला बेदम मारहाण केली.याचा व्हिडिओ सोशल मीडियावर व्हायरल झालाय. मारहाण करताना टोळक्याकडून २० हजार रुपयांची खंडणी देखील मागण्यात आली.

याप्रकरणी पोलिसात तक्रार नोंदवण्यात आल्यानंतर पोलिसांनी चौघांविरोधात गु्न्हा दाखल करण्यात आलाय. सागर ओहोळ असं टोळक्यामधील एकाचं नाव आहे. त्याच्यावर गुन्हा दाखल करण्यात आलाय. भारतीय न्याय संहिता (बी एन एस) २०२३ च्या कलम १०९(१), ११५(२), ३२४(४), ३०८(३), ३(५) अंतर्गत गुन्हा दाखल करण्यात आलाय.