दिल्लीतील श्रद्धा वालकर हत्याकांडाप्रमाणेच विशाखापट्टणमध्येही घटना घडली. येथील एका विवाहित ३५ वर्षीय व्यक्तीनं आपल्या २८ वर्षाच्या प्रेयसीची हत्या केली असून तिच्या शरीराचे तुकडे करून ते फ्रिजमध्ये ठेवले होते. पोलिसांना फ्रिजमध्ये शीर नसलेला मृतदेह छिन्नविछन्न अवस्थेत आढळला होता. पोलसांना अद्याप शीर सापडले नाहीये.

दरम्यान आरोपीची ओळख नौदल कर्मचारी सी. एच. रविंद्र अशी पटली आहे. तर मृत मुलीचं नाव मोनिका असून ती विजयनगरम जिल्ह्यातील राजम येथील होती. मोनिकाची हत्या विझागच्या एल.व्ही. नगर परिसरात घडली होती. टाइम्स ऑफ इंडियाच्या वृत्तानुसार, आरोपीने मोनिकाच्या शरीराचे काही अवयव नष्ट केले, तर काही फ्रिजमध्ये लपवले होते.

हाती आलेल्या माहितीनुसार,रविंद्र हा विवाहित होता, तरी त्याचे मोनिकाशी प्रेमसंबंध होते. काही दिवसापुर्वीच रविंद्रची पत्नीनं त्याला सोडलं होतं. तर २९ मार्च रोजी मोनिका त्याच्या घरी राहायला आली होती. खु्द्द रविंद्रने मोनिकाला कॉल करून आपल्या घरी बोलवलं होतं. ते काही वेळे घरात होते. त्याचदरम्यान त्या दोघांमध्ये भांडण झालं. दरम्यान पोलिासांनी अद्याप त्यावर कोणतीच प्रतिक्रिया दिली नाही नाहीये.

परंतु रविंद्रने रागाच्या भरात मोनिकाची हत्या केली. मृतदेहाची विल्हेवाट लावण्यासाठी त्याने मोनिकाच्या शरीराचे तुकडे केले. काही तुकडे बॅगमध्ये भरून ते फेकून दिले. तर शरीराचे काही तुकडे फ्रिजमध्ये भरले. मोनिका हत्याकांडाबाबत अधिक माहिती देताना पोलिसांनी सांगितले की, हत्येनंतर रविंद्र पोलीस ठाण्यात आला. त्याने हत्येची कबुली दिली. तपासादरम्यान पोलिसांनी रविंद्रच्या घरातून महिलेच्या शरीराचे काही अवयव जप्त केले. मात्र मुंडकं गायब होते. रविंद्रने ते कुठेतरी टाकून दिले असावे, असा पोलिसांना संशय आहे.