Raigad Crime News:

रायगड जिल्ह्यातून एक धक्कादायक बातमी समोर आली आहे. येथील एका लॉजच्या व्यवस्थापकाचा गळा आणि गुप्तांग कापून निर्घृण हत्या करण्यात आली. पेण तालुक्यातील वडखळ येथे ही घटना घडली.

पोलिसांनी दिलेल्या माहितीनुसार, लॉजचा मॅनेजर ४० वर्षांचा होता. अज्ञात व्यक्तीने धारदार शस्त्राने त्याची हत्या केली. त्यानंतर त्याचे गुप्तांग कापले. विचित्र अवस्थेत मृतदेह जमिनीवर पडला होता. या हत्येची घटना उघड झाल्यानंतर संपूर्ण परिसरात खळबळ उडाली आहे. अज्ञात व्यक्तींनी अशा प्रकारे निर्घृण हत्या केल्याची ही जिल्ह्यातील पहिलीच घटना असावी, असं स्थानिकांचं म्हणणे आहे.

स्थानिकांनी या घटनेची माहिती पोलिसांना दिली. माहिती मिळताच पोलीस तात्काळ घटनास्थळी दाखल झाले. या प्रकरणी वडखळ पोलीस ठाण्यात गुन्हा नोंदवण्यात आलाय. पोलीस या प्रकरणी अधिक तपास करत आहेत.

अकोल्यात दोन अज्ञात व्यक्तींचे मृतदेह आढळले; घातपाताची शक्यता

अकोल्यात देखील अशीच एक खळबळजनक घटना समोर आली आहे. येथे दोन अज्ञात व्यक्तींचे मृतदेह आढळून आलेत. या घटनेमुळे परिसरातील नागरिकांमध्ये घबराट पसरली आहे. आढळलेल्या मृतदेहांमध्ये एकाचे वय 35 वर्षे आणि एकाचे वय 65 वर्षे आहे.

अकोला जिल्ह्यातील दहीहंडा पोलीस स्टेशन हद्दीतील चौहटा बाजार भागात हे दोन्ही मृतदेह आढळून आलेत. समाधान शंकर ढिगे (वय 65) आणि निलेश राणे (35)अशी मृतकांची नावे असल्याची माहिती पोलिसांनी दिलीये.

पोलिसांनी दिलेल्या प्राथमिक माहितीनुसार, समाधान यांचा रस्त्यावर पुलावरुन खाली पडून मृत्यू झाला असावा. तर निलेश राणे यांनी कौटुंबिक कलहातून विषप्राशन करून आत्महत्या केली असावी, अशी शक्यता वर्तवली आहे. तरीही दोघांचे मृत्यूचे नेमके कारण अद्याप समोर आले नसून घातपाताची शक्यताही वर्तवली जात आहे.