सचिन जाधव

Pune Attack On Dog:

पुण्यात हडपसरमध्ये एक संतापजनक घटना घडली आहे. एका व्यक्तीने रागाच्याभरात कुत्र्याला एयरगनचा छरा मारून जखमी केलं आहे. हडपसर पोलीस स्टेशन हद्दीमधील “इन्केव्ह लोकमंगल सोसायटी” झेड कॉर्नर,मांजरी बुद्रुक येथे ही धक्कादायक घटना घडली आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मिळालेल्या अधिक माहितीनुसार, कुत्रा (Dog) नेहमी त्रास देतो या कारणावरून त्याला एअरगनचा छरा मारून जखमी करण्यात आलंय. या प्रकरणी हडपसर (Hadapsar) पोलीस स्टेशनमध्ये गुन्हा दाखल करण्यात आला आहे. पोलिसांनी अली रियाज थावेर या आरोपीस ताब्यात घेतलं आहे. हडपसर पोलीस या प्रकरणी अधित तपास करत आहेत.

दोन दिवसांपूर्वी पुण्यात बाणेर परिसरात गळफास लागल्याने कुत्र्याचा मृत्यू झाला होता. त्या प्रकरणी चतुर्शिंगी पोलिसात गुन्हा दाखल करण्यात आला होता. त्यानंतर ही दुसरी घटना घडली आहे. अनेक व्यक्ती आपल्या घराच्या रक्षणासाठी कुत्रा पाळतात. घरी कोणतीही अनोळखी आणि नवीन व्यक्ती आली तर कुत्रा जोरजोरात भुंकू लागतो. त्याच्यासमोर कोणीही घरात शिरण्याची हिम्मत करत नाही. मात्र मुक्या प्राण्यांना पुण्यामध्ये विचित्र पद्धतीने त्रास दिला जात असल्याचं चित्र पाहायला मिळत आहे.

काही दिवसांपूर्वीच सोशल मीडियावर एका कुत्र्याने आपल्या मलकाचा जीव वाचवण्यासाठी आपला जीव धोक्यात टाकल्याचा व्हिडीओ व्हायरल झाला होता. त्यामध्ये मालकावर काही व्यक्ती हल्ला करत असतात. आपला मालक संकटात असल्याचं पाहून कुत्रा तेथे धावत येतो आणि सर्व हल्लेखोरांना पळवून लावतो. यासह एक कुत्रा ट्रॅफीकमध्ये कार चालवत असल्याचा व्हिडीओ देखील व्हायरल झाला होता.