रुपेश पाटील, साम प्रतिनिधी

शिवसेना शिंदे गटाचे डहाणूचे पदाधिकारी अशोक धोडी अपहरण प्रकरणाबाबत मोठी अपडेट समोर आलीय. अशोक धोडी यांच्या शोधासाठी पोलिसांनी आठ पथकं तयार केली आहेत. धोडी यांच्या शोधासाठी हे पथक विविध ठिकाणी तैनात करण्यात आले आहेत. अशोक धोडी यांच्यासोबत घातपात झाल्याचा संशय पोलिसांना आहे. पालघर स्थानिक गुन्हे शाखेकडून आतापर्यंत चार आरोपींना ताब्यात घेण्यात आलंय. अशोक धोडी यांच्या शोधासाठी सहा पथक रवाना करण्यात आली आहेत. पालघरचे पोलीस अधीक्षक बाळासाहेब पाटील यांचं प्रकरणावर विशेष लक्ष आहे.

पालघर मधील शिवसेना शिंदे गटाचे पदाधिकारी अशोक धोडी अपहरण प्रकरणात आता आठ पथक विविध ठिकाणी तैनात असल्याची माहिती पालघर पोलीस अधीक्षकांकडून देण्यात आली आहे. पोलिसांच्या ताब्यात असलेले चार आरोपी आणि इतर मिळालेल्या माहितीच्या आधारावर आज संध्याकाळपर्यंत या संपूर्ण प्रकरणाचा छडा लावला जाईल असं आश्वासन पालघर पोलीस अधीक्षक बाळासाहेब पाटील यांनी दिल आहे .