- बालाजी सुरवसे

धाराशिव जिल्ह्यात नळदुर्ग येथील किल्ल्यातील बुरूजावर उभा राहुन सेल्फी काढताना तोल जावुन पडल्याने नवविवाहित महिलेचा मृत्यू झाला आहे. निलोफर अमीर शेख असे मृत्यू झालेल्या विवाहितेचे नाव असल्याची माहिती पाेलिसांनी दिली.

दहा दिवसांपूर्वीच निलाेफर आणि आमीर यांचा विवाह झाला हाेता. या विवाहानंतर ते फिरण्यासाठी नळदुर्ग किल्ला येथे आले हाेते. नळदुर्ग किल्ल्यातील उपळाई बुरूजावर पतीसमवेत सेल्फी काढताना तोल जावुन निलाेफर खाली पडल्या. त्यात त्यांचा मृत्यू झाला.

हे दाम्पत्य तुळजापुर तालुक्यातील हंगरगा तुळ येथील असल्याची प्राथमिक माहिती उपलब्ध झाली आहे. अवघ्या दहा दिवसांपूर्वीच निलाेफर आणि आमीर यांच्या विवाहनंतर शेख कुटुंबियावर काळाने घाला घातला.

Edited By : Siddharth Latkar