- संजय सूर्यवंशी
नांदेड पोलिसांच्या विशेष पथकाने चोरीला गेलेले तब्बल 164 मोबाईल हस्तगत केले हाेते. त्यापैकी 70 मोबाईल नागरिकांना पाेलिसांनी नुकतेच परत केले. चाेरीस गेलेला आपला माेबाईल परत मिळाल्याने नागरिकांच्या चेह-यावर समाधान हाेते. नागरिकांनी नांदेड पाेलिसांचे आभार मानले. ('साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
सार्वजनिक ठिकाणाहून आणि बाजारातून मोबाईल चोरी होण्याच्या घटनात दिवसेंदिवस वाढ होत आहे. मोबाईल चोरीला गेला की नागरिक मोबाईल परत मिळेल याची आशाच सोडून देतात.
चोरीला गेलेले मोबाईल शोधण्यासाठी पोलिस अधीक्षक श्रीकृष्ण कोकाटे यांनी विशेष पथकाची स्थापना केली आहे. या पथकाने नुकतेच चोरीला गेले तब्बल 164 मोबाईल जप्त केले. पोलिस अधीक्षक कोकाटे यांच्या हस्ते 70 जणांना मोबाईल परत देण्यात आले.
उर्वरित मोबाईल नागरिकांनी आपले ईएमआय नंबर देऊन न्यावेत असे आवाहन नांदेड पाेलिसांकडून करण्यात आला आहे. दरम्यान मिळालेल्या मोबाईलचे ईएमआय नंबरची यादी फेसबुकवर नांदेड पोलिस आणि ट्विटर वर नांदेड पोलीस या संकेतस्थळी टाकण्यात आली आहे.
Edited By : Siddharth Latkar
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.