पराग ढोबळे

Nagpur News :

नागपूरमध्ये एक धक्कादायक घटना घडली आहे. आत्महत्या करणाऱ्या मित्राला वाचवायला गेलेल्या तरुणाचा मृत्यू झाल्याची हृदयद्रावक घटना समोर आली आहे. हुडकेश्वर पोलीस स्टेशनच्या हद्दीत ही घटना घडली आहे.

शुभम करवडे असं मृत तरुणाचे नाव असून तो इंजिनीअरिंगचे शिक्षण घेत होता. तर रोहित खारवे असं आरोपीचं नाव असून त्याला पोलिसांनी अटक केली आहे.

रोहित खारवे काही कारणास्तर आत्महत्येचा प्रयत्न करत होता. रोहितआत्महत्या करण्याचा प्रयत्नात असताना शुभमने त्याचा जीव वाचवण्याचा प्रयत्न केला. यात झटापटीत चाकू लागल्याने शुभम गंभीर जखमी झाला होता. त्यानंतर त्याला उपचारासाठी रुग्णालयात दाखल करण्यात आले होते. मात्र उपचारादरम्यान शुभमचा मृत्यू झाला आहे.