• मुंबईच्या अग्रिपाड्यात नवऱ्याने बायकोची हत्या केली

• बायकोची हत्या केल्यानंतर १९ वर्षीय तरुणाने आयुष्य संपवलं

• नवरा बायकोच्या कौटुंबिक वादातून मुंबईत भयंकर हत्याकांड

• अग्रिपाडा हत्याकांड प्रकरणात पोलिसांचा तपास सुरू

संजय गडदे, मुंबई

मुंबईत हत्याकांडाची भयंकर घटना घडली. एका तरुणाने बायकोची हत्या करुन आत्महत्या केली. मुंबईच्या अग्रिपाडा परिसरात ही घटना घडली. या घटनेमुळे मुंबई हादरली आहे. बायकोची हत्या करून तरुणाने आयुष्य का संपवले या मागचे कारण अद्याप समोर आले नाही. पोलिस सध्या या प्रकरणाचा तपास करत आहेत.

मिळालेल्या माहितीनुसार, १९ वर्षीय तरुणाने बायकोची गळा चिरून हत्या केली त्यानंतर त्याने स्वतःचा गळा चिरून आत्महत्या केली. शुक्रवारी पहाटे ५ वाजताच्या सुमारास ही घटना घडली. तरुणाने बायकोची हत्या केल्यानंतर स्वत:च्या गळ्यावर चाकू फिरवला. या घटनेत गंभीर जखमी झालेल्या तरुणाला उपचारासाठी नायर रुग्णालयात दाखल करण्यात आले. त्याठिकाणी उपचारादरम्यान त्याचा मृत्यू झाला.

मोहम्मद एहसान शेख असं तरुणाचे नाव होते. तर जन्नत एहसान शेख असं त्याच्या बायकोचे नाव होते. दोघेही रोजंदारीवर काम करणारे मजूर होते. या हत्याकांड प्रकरणी पोलिसांनी गुन्हा दाखल करत तपास सुरू केला आहे. तर तरुणाच्या मृत्यूप्रकरणी अपघाती मृत्यूची नोंद पोलिसांनी करून घेतली आहे. या प्रकरणाचा तपास पोलिस करत आहेत. कौटुंबीक वादातून ही हत्याकांडाची घटना घडल्याचा अंदाज पोलिसांनी वर्तवला आहे.

पोलिसांनी सांगितले की, कालापानी चौकीजवळ ही घटना घडली. प्राथमिक माहितीनुसार घरगुती वादातून हल्ला झाला. अग्रिपाडा पोलिसांकडून हत्येचा गुन्हा दाखल करण्याची प्रक्रिया सुरू आहे. पोलिस या घटनेचा पुढील तपास करत आहेत. या घटनेमुळे परिसरात खळबळ उडाली आहे. या हत्याकांडामागचं खरं कारण पोलिस शोधत आहेत.