विजय पाटील, साम टीव्ही

सांगली: सांगलीतील कुपवाडमधील प्रकाशनगर येथे ३८ वर्षीय राहुल सूर्यवंशी याचा निर्घृण खून करण्यात आला आहे. लोखंडी रॉडने मारहाण करून आणि दगडाने ठेचून त्याला ठार मारण्यात आल्याची माहिती समोर आली आहे.

प्राथमिक तपासात मिळालेल्या माहितीनुसार, राहुल सूर्यवंशी हा नात्यातील एका मुलीचा वारंवार छळ करीत होता. त्याला अनेकदा समजावून सांगण्यात आले होते. मात्र, तो ऐकण्यास तयार नव्हता. या प्रकारामुळे संतप्त झालेल्या नातेवाईकाने त्याच्यावर हल्ला केला. यात त्याचा मृत्यू झाला असल्याचा प्राथमिक अंदाज आहे.

घटनेची माहिती मिळताच कुपवाड एमआयडीसी पोलीस घटनास्थळी दाखल झाले. संशयित आरोपी सौरभ सावंत (वय २२) याला ताब्यात घेण्यात आले असून, पुढील तपास सुरू आहे

आई आणि लेकानं मिळून केली बापाची हत्या

काल सांगली जिल्ह्यातील कवठेमहांकाळ तालुक्यामध्ये एका घटनेने संपूर्ण तालुका हादरला.आपल्या पतीच्या विम्याचे पैसे मिळावे म्हणून पत्नीने आपल्या मुलाच्या मदतीन पतीची हत्या केल्याची घटना घडली आहे.

पोलिसांनी दिलेल्या माहितीनुसार, पाटील यांच्यावर कर्जाचे डोंगर होते.ते त्या कर्जामुळे हताश झाले होते.हे कर्ज फेडण्यासाठी पत्नीने आपल्या पतीची हत्या केली,याबाबत अधिक माहिती अशी की,पतीच्या विम्याच्या पैशांवर पत्नीचा डोळा होता. हेच पैसे घेऊन पत्नीला कर्ज फेडायचे होते. यासाठी तिने सापळा रचून तिच्या मुलाच्या साथीने आणि मुलाच्या मित्राच्या मदतीने पतीची निर्घृण हत्या केली.