धुळे लोकसभा मतदारसंघात निवडणुकीच्या पार्श्वभूमीवर पोलिस प्रशासनाची करडी नजर असल्याचे चित्र सर्वत्र दिसत आहे. धुळे येथील स्थानिक गुन्हे अन्वेषण विभागाच्या पथकाने नुकतीच एका व्यक्तीकडून 55 लाख रुपयांची रोकड जप्त केली आहे. या प्रकरणी पाेलिसांनी तिघांना ताब्यात घेतले आहे अशी माहिती पोलिस अधीक्षक श्रीकांत धीवरे यांनी माध्यमांना दिली. (Maharashtra News)

धुळे जिल्ह्यात लोकसभा निवडणुकीच्या पार्श्वभूमीवर पोलिस दल सर्वच संशयास्पद हालचालींवर करडी नजर ठेवून आहेत. स्थानिक गुन्हे अन्वेषण विभागाला एका गुप्त माहितीदारामार्फत एकाकडे त्याच्या बॅगेत जवळपास 55 लाख रुपये असल्याची माहिती मिळाली. ही रक्कम त्याने दुकानात ठेवलेली आहे असेही पाेलिसांना त्याने सांगितले.

स्थानिक गुन्हे अन्वेषण विभागाच्या पथकाने मिळालेल्या माहितीनुसार संबंधित ठिकाणी जाऊन छापा टाकला. त्या ठिकाणी बॅगेमध्ये पोलिसांना 55 लाख रुपयांची रोकड आढळून आली. पोलिसांनी तिघांना ताब्यात घेतले. पैसे नेमके कशासाठी व कोणी आणले याची चाैकशी केली. त्यानंतर सर्व पैसे पाेलिसांनी जप्त केले. पुढील तपास स्थानिक गुन्हे अन्वेषण विभाग करीत आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar