बिहारमध्ये अल्पवयीन मुलीवर सामूहिक बलात्कार करण्यात आल्याची धक्कादायक घटना समोर आली आहे. जबरदस्ती दारू पाजून पीडित मुलीवर नराधमांनी हे भयंकर कृत्य केले. पीडित मुलगी लाकडं गोळा करण्यासाठी आपल्या मैत्रिणींसोबत गेली होती. या घटनेमुळे बिहारमध्ये खळबळ उडाली. पोलिस सध्या या प्रकरणाचा तपास करत आहेत.

मिळालेल्या माहितीनुसार, बिहारच्या नवादमध्ये ही घटना घडली. ही घटना रिसलींगज पोलिस ठाण्याच्या हद्दीतील एका गावात घडली. चार तरुणांनी १३ वर्षीय अल्पवयीन मुलीला जबरदस्ती दारू पाजून तिच्यावर सामूहिक बलात्कार केला. पीडित मुलगी जोरजोरात ओरडत होती. सोडून द्या अशी विनंती करत होती. पण नराधमांनी तिला सोडले नाही. त्यावेळी तिच्या मैत्रिणी मदतीसाठी धावून गेल्या. पण तोपर्यंत आरोपींनी घटनास्थळावरून पळ काढला.

आरोपी पीडित मुलीच्या घशामध्ये दारू ओतत राहिले. त्यानंतर त्यांनी तिच्यावर आळीपाळीने बलात्कार केला. पीडित मुलीवर बलात्कार करणारे आरोपी दुसरे तिसरे कुणी नसून तिच्याच गावातील आणि घराशेजारी राहणारे आहेत. आरोपींमधील एकजण तिचा मेहुणा देखील आहे. पीडितेच्या आईने पोलिस ठाण्यात धाव घेत या प्रकरणी तक्रार दाखल केली. पोलिसांनी आरोपींविरोधात गुन्हा दाखल केला. ३ आरोपींना पोलिसांनी अटक केली. तर चौथ्याचा शोध सुरू आहे.

पीडितेच्या आईने सांगितले की, १३ वर्षीय मुलगी तिच्या मैत्रिणींसोबत लाकडे गोळा करण्यासाठी नदीकाठी गेली होती. गावातील काही जण आधीच नदीजवळ होते. मुलीला तहाण लागली त्यामुळे तिने तिचा मेहुणा आणि गावातील इतर ओळखीच्या लोकांकडून पाणी मागितले. आरोपी मेहुण्याने तिला पाण्याऐवजी देशी दारू दिली. तिने ते पिण्यास नकार दिला. त्यानंतर त्याने तिला जबरदस्ती दारू पाजली. त्यानंतर त्याठिकाणी असलेल्या इतर चौघांनी तिच्यावर आळीपाळीने बलात्कार केला.

मुलगी ओरडत होती. तिचा आवाज ऐकून तिच्या मैत्रिणी मदतीसाठी धावून आल्या. तर आरोपींनी घटनास्थळावरून पळ काढला. पीडिता बेशुद्धावस्थेत पडली होती. तिच्या मैत्रिणींनी तात्काळ पीडितेच्या कुटुंबीयांना घटनेची माहिती दिली. त्यांनी घटनास्थळी धाव घेत तिला घरी आणले. त्यानंतर पोलिस ठाण्यात जाऊन त्यांनी चौघांविरोधात तक्रार दाखल केली. पोलिसांनी आरोपींविरोधात पोक्सोअंतर्गत गुन्हा दाखल केला. आरोपींपैकी तिघांना अटक केली असून एक जण फरार आहे.