वाशीममध्ये धक्कादायक घटना घडली आहे. वाशिमच्या कारंजा शहरात विवाहित महिलेचे शारीरिक संबंधाचे व्हिडीओ वायरल करण्याची धमकी दिल्याने महिलेने आत्महत्या केली आहे. पीडित महिलेच्या पतीने पोलीस ठाण्यात फिर्याद नोंदवली असून संशयित असलेल्या गुन्हेगारांना पोलिसांनी ताब्यात घेतले आहे.

वाशिमच्या कारंजा शहरात एका विवाहित महिलेला शारीरिक संबंधाचे व्हिडीओ वायरल करण्याची धमकी दिल्याने महिलेने आत्महत्या केली आहे. पीडित महिलेसोबत ओळख करून तिला विश्वासात घेत शारीरिक संबंध प्रस्थापित केले. केलेल्या शारीरिक संबंधाचे व्हिडिओ तयार करून ते व्हायरल करण्याची धमकी देत पुन्हा शारीरिक संबंध करण्याची मागणी केली आणि पोलिसात तक्रार दिल्यास जीवे मारण्याची धमकी दिली.

या त्रासाला कंटाळून पीडितिने आत्महत्या केली असल्याचं पीडितेच्या नवऱ्याने पोलीस ठाण्यात तक्रार दाखल केली आहे. या घटनेचा पोलीस तपास करत असून या प्रकरणात पीडित महिलेचा कथित प्रियकर शेख मोबीन शेख वाजीद आणि त्याचा भाऊ शेख अमीन शेख वाजीद या दोघांविरुद्ध कारंजा पोलीस ठाण्यात आत्महत्येस प्रवृत्त केल्याचा गुन्हा दाखल केला आहे. पोलिसांनी यातील आरोपी शेख अमीन शेख वाजीद यास अमरावती येथून अटक केली असून, दुसरा आरोपी अद्यापही फरार आहे.