उपमुख्यमंत्री एकनाथ शिंदे यांच्यासोबत भेट घडवून देतो, अशी फूस लावत एका शिवसेनेच्या कार्यकर्त्याने महिलेवर अत्याचार केल्याची घटना घडली आहे. भिवंडीमध्ये हा संतापजनक प्रकार घडलाय. पीडितेच्या तक्रारीवरून कार्यकर्त्यावर अत्याचाराचा गुन्हा दाखल करण्यात आलाय.उपमुख्यमंत्री एकनाथ शिंदे यांच्यासोबत भेट करून देण्याच्या नावाने नराधमाने 35 वर्षीय महिलेवर एका लॉजवर नेत तित्यावर अत्याचार केला.

उपमुख्यमंत्री शिंदे यांची भेट करून देतो म्हणून त्याने शिंदे सेनेची कार्यकर्ता महिलेला गाडीत बसवलं आणि खोटं बोलत तिला भिवंडी ग्रामीण भागातील एका लॉजवर नेलं. त्यानंतर तिच्यावर जबरदस्ती करत तिच्यावर अत्याचार केला. याप्रकरणी पीडित महिलेने दिलेल्या तक्रारीवरून कार्यकर्त्याच्या विरोधात पडघा पोलीस ठाण्यात अत्याचाराचा गुन्हा दाखल करण्यात आला आहे. या घटनेचा पुढील तपास पडघा पोलीस करीत आहेत.