बीड : बीड जिल्ह्यामध्ये मारहाणीच्या घटना थांबायचं नाव घेत नाहीय. बीड ग्रामीण पोलीस ठाणे हद्दीतील साक्षाळ पिंपरी येथे शेत जमिनीच्या वादावरून एका तरुणाला धारदार शस्त्राने डोक्यात मारहाण करण्यात आली आहे. ही मारहाण गावच्या माजी सरपंच यांनी केली आहे. या मारहाणीमध्ये तरुण गंभीररित्या जखमी झाला असून त्याच्यावर बीडच्या खासगी रुग्णालय लोटस येथे विभागात उपचार सुरू आहे.

संबंधित तरुणाची प्रकृती चिंताजनक आहे. मात्र, पोलिसांकडून तक्रार दाखल करून घेण्यासाठी टाळाटाळ करत असल्याचा आरोप कुटुंबीयांनी केला आहे. राजकीय दबावापोटी गुन्हा दाखल करून घेण्यात येत नसल्याचा आरोप कुटुंबीय करत आहेत. थेट कुटुंबीयांनी आज पोलीस अधीक्षकांची भेट घेऊन न्यायाची मागणी केली आहे. पोलीस अधीक्षक यांना कुटुंबाने निवेदन दिलं आहे.

हॉटेल भाग्यश्रीच्या मालकाला जीवे मारण्याची धमकी

धाराशिव येथील तुळजापूरजवळील प्रसिद्ध हॉटेल भाग्यश्रीच्या मालकाला अज्ञात व्यक्तीकडून जीवे मारण्याची धमकी देण्यात आली आहे. 'तुझे दिवस भरलेत, व्हिडीओ टाकू नकोस', असं म्हणत अज्ञात व्यक्तीने फोन करुन हॉटेल भाग्यश्रीचे मालक नागेश मडके यांना धमकावलं आलं आहे. या प्रकरणामुळे भाग्यश्री हॉटेल चर्चेत आलं आहे.

सोशल मीडियावर धुमाकूळ घालणाऱ्या हॉटेल भाग्यश्रीचे मालक नागेश मडके यांना अज्ञात व्यक्तीने फोन करुन जीवे मारण्याची धमकी दिली आहे. सोशल मीडियावर व्हिडीओ टाकू नकोस, आम्हाला तुला जीवे मारण्याची सुपारी मिळाली आहे. तुझे दिवस भरत आले आहेत, असे अज्ञातांनी नागेश मडके यांना फोनवर म्हटल्याची माहिती समोर आली आहे.