उत्तर प्रदेशातून धक्कदायक बातमी समोर आली आहे. १४ वर्षाच्या मुलाने ४० वर्षाच्या महिलेवर लैंगिक अत्याचार करण्याचा प्रयत्न केला. मात्र महिलेने नकार दर्शवल्याने या अल्पवयीन मुलाने महिलेची निर्घृण हत्या केली. या घटनेने परिसरात खळबळ उडाली असून पोलिसांनी मुलाला ताब्यात घेतले आहे. सदर मुलाला सुधार गृहात पाठवण्यात आले आहे.

मिळालेल्या माहितीनुसार, उत्तर प्रदेशातील हमीरपूरममध्ये एक महिला शेतात गवत कापण्याचं काम करत होती. या दरम्यान तिच्या गावातील १४ वर्षीय मुलाची तिच्यावर वाईट नजर पडली. या मुलाने कोणीही नसल्याचे पाहून तिच्यावर लैंगिक अत्याचार करण्याचा प्रयत्न केला. या प्रकाराला तिने विरोध केला. मात्र संतापलेल्या मुलाने तिच्यावर विळा आणि काठीने हल्ला केला, ज्यामुळे ती गंभीर जखमी झाली.

काही तासानंतर गावकऱ्यांना पीडित महिला शेतात रक्ताच्या थारोळ्यात पडलेली आढळली आणि त्यांनी त्याला ताबडतोब जवळच्या रुग्णालयात नेले. नंतर त्याला चंदीगडमधील रुग्णालयात दाखल करण्यात आले. जिथे बुधवारी रात्री उपचारादरम्यान तिचा मृत्यू झाला. घटनास्थळावरून पोलिसांनी एक विळा, एक काठी, तुटलेला खवले आणि पेनचे तुकडे जप्त केले.

या घटनेनंतर पोलिसांनी काही तासात या घटनेचा छडा लावला. आणि आरोपीला ताब्यात घेतले. या घटनेप्रकरणी आरोपी मुलाने कबुली दिली असून त्याला सुधार गृहात दाखल करण्यात आले आहे. दरम्यान पोलीस या घटनेचा अधिक तपास करत आहेत. तसेच आरोपी मुलीची अधिक चौकशी करत आहेत.