EPFO Rules: कंपनीला कर्मचारी भविष्य निर्वाह निधीसाठी (EPF) कर्मचार्‍यांच्या पगारातून कापलेले पैसे दरमहा त्यांच्या पीएफ खात्यात जमा करावेच लागतात. सरकारने 2022-23 या आर्थिक वर्षासाठी कर्मचारी भविष्य निर्वाह निधी (EPF) योजनेसाठी 8.15 टक्के व्याजदर मंजूर केला आहे.

कंपनी दर महिन्याला पीएफ खात्यात मूळ वेतन आणि महागाई भत्त्याच्या रूपात पीएफमध्ये योगदान देते. जर कंपनी तुमच्या पीएफ खात्यात पैसे जमा करत नसेल तर तुम्ही त्याबद्दल तक्रार करू शकता. (Utility News in Marathi)

कंपनीने 15 दिवसांत पीएफ योगदान जमा करावे लागते

कर्मचारी EPFO ​​पोर्टलवर लॉग इन करून दर महिन्याला पीएफ खात्यात जमा होणारे पैसे तपासू शकतात. कंपनीने मागील महिन्याच्या पगाराच्या 15 दिवसांच्या आत EPF योगदान जमा करणे आवश्यक आहे. अनेक कंपनी अनेक वेळा पीएफची रक्कम वेळेत जमा करत नाही, त्यामुळे त्यांना अतिरिक्त शुल्क भरावे लागते.  (Latest Marathi News)

होऊ शकते ही कारवाई

तक्रार नोंदवल्यानंतर नियामक संस्था कंपनीविरुद्ध चौकशी करते. तपासात असे आढळून आले की ईपीएफचे पैसे कापले गेले आहेत, परंतु जमा केले नाहीत. तर कायदेशीर कारवाई केली जाईल. EPFO अधिकारी EPF कपातीच्या उशीरा ठेवीवर व्याज देखील आकारू शकतात आणि पुनर्प्राप्ती कारवाई सुरू करू शकतात.

पीएफ जमा न केल्याने शुल्क भरावे लागेल

जर एखाद्या कंपनीने कर्मचाऱ्यांचे पीएफचे पैसे दोन महिने जमा केले नाहीत, तर त्यांना वार्षिक 5 टक्के दराने थकबाकी भरावी लागेल. जर एखाद्या कंपनीने कर्मचाऱ्यांचे पीएफचे पैसे दोन महिन्यांपेक्षा जास्त परंतु 4 महिन्यांपेक्षा कमी कालावधीसाठी जमा केले नाहीत, तर तिला वार्षिक 10 टक्के दराने थकबाकी भरावी लागेल.

दुसरीकडे जर एखाद्या कंपनीने चार महिने ते सहा महिन्यांपर्यंत पीएफ पेमेंटमध्ये चूक केली. तर तिला वार्षिक 15 टक्के दराने थकबाकी भरावी लागेल. ज्या कंपन्या 6 महिन्यांपेक्षा जास्त काळ पीएफ जमा करत नाहीत त्यांना वार्षिक 25 टक्क्यांपर्यंत थकबाकी भरावे लागेल.