नवी दिल्ली : सुप्रीम कोर्टाच्या निर्णयानंतर शेअर बाजारात शुक्रवारी मोठी पडझड झाली. कोर्टाच्या निर्णयानंतर व्होडाफोन आयडियाच्या शेअर्समध्ये ही मोठी पडझड दिसून आली. कंपनीचा शेअर शुक्रवारी १० रुपयांनी घसरला. कंपनीचा शेअर ९.७९ रुपयांनी ५२ आठवड्यांच्या निचांक पातळीपर्यंत घसरल्याचं दिसून आला.

सुप्रीम कोर्टाच्या निर्णयानंतर शुक्रवारी शेअर बाजार बंद झाल्यानंतर व्होडाफोन आयडियाचा शेअर १ टक्क्यांनी वधारला. सुप्रीम कोर्टाच्या एका निर्णयाने व्होडाफोन आयडियाच्या शेअर्समध्ये बदल पाहायला मिळाला. एजीआरमधील कथित त्रुटीमध्ये सुधारणा करण्यासाठी सुप्रीम कोर्टात याचिका दाखल करण्यात आली होती. मात्र, सुप्रीम कोर्टाने ही याचिका फेटाळली. याचा परिणाम व्होडाफोन आयडियाच्या शेअर्सवर पाहायला मिळाला.

दरम्यान, ब्रोकरेज फर्मने नोट्समध्ये व्होडाफोन आयडियाला सरकारचा पाठिंबा असल्याचं म्हटलं होतं. ब्रोकरेज हाऊसचं म्हणणं आहे की, व्होडाफोन आयडियाने त्यांचा जुना काळ मागे सोडला आहे. कंपनीचा शेअर मीडियमहून लाँग टर्ममध्ये १५ रुपयांपर्यंत जाऊ शकतो.

सरन्यायाधीश डी.वाय. चंद्रचूड, न्यायमूर्ती संजीव खन्ना आणि न्यायमूर्ती बी. आर. गवई यांच्या घटनापीठाने याबाबत निर्णय घेतला. सुप्रीम कोर्टाने खुल्या कोर्टात सुनावणीसाठी क्युरेटिव्ह याचिकांची यादी करण्याची विनंतीची याचिका फेटाळली. क्युरेटिव्ह याचिका सर्वोच्च न्यायालयात शेवटचा पर्याय असतो. यानंतर कोर्टात दाद मागण्याचा कोणताही कायदेशीर मार्ग नसतो. या याचिकेवर बंद खोलीत विचार केला जातो.

दरम्यान, अमेरिकेतील घडामोडींचा थेट भारतीय शेअर बाजारावर परिणाम होत आहे. अमेरिकेत पॉलिसी रेट ५० बेस पॉइंट्सने कमी झाला आहे. यामुळे अमेरिकेतील व्याजदर ५ टक्क्यांनी घसरला आहे. अमेरिकेच्या व्यादरात घसरण झाल्यानंतर रिझर्व्ह बँक काय निर्णय घेणार, याकडे साऱ्यांचे लक्ष लागलं आहे.