नथिंगने फोनने गेल्या आठवड्यात भारतात त्यांच्या नवीन Nothing Phone ३a फोनची घोषणा केली आणि आज त्याची पहिली विक्री होणार आहे. हा सेल फ्लिपकार्टवर दुपारी १२ वाजल्यापासून सुरू झाली. या विक्रीमध्ये वापरकर्त्यांना ५,००० रुपये वाचवण्याची सुवर्णसंधी मिळणार आहे. वापरकर्त्यांसाठी हा सेल आकर्षक ऑफर घेऊन येत आहे.

नथिंग फोन ३ए मालिकेत दोन हँडसेट्स, नथिंग फोन ३ए आणि नथिंग फोन ३ए प्रो लाँच करण्यात आले आहेत. दोन्ही हँडसेटमधील मुख्य फरक कॅमेरा सेटअपमध्ये आहे. फ्लिपकार्टवर नथिंग फोन ३ए चा सेल सुरू आहे. या सेलमध्ये उपलब्ध असलेल्या ऑफर्स आणि तंत्रज्ञानाबद्दल अधिक माहिती जाणून घेऊया, जे यूजर्सना आकर्षित करणार आहे.

फ्लिपकार्टवरील माहितीप्रमाणे, नथिंग फोन ३ए हँडसेट १९,९९९ रुपयांमध्ये उपलब्ध आहे, जे २४,९९९ रुपयांच्या लाँच किमतीपेक्षा ५,००० रुपयांनी कमी आहे. या हँडसेटच्या बेस व्हेरिएंटमध्ये ८ जीबी रॅम आणि १२८ जीबी स्टोरेज दिलं जातं. यूजर्सना आकर्षक ऑफर आणि कमी किमतीत उत्कृष्ट स्मार्टफोन खरेदी करण्याची संधी मिळते आहे.

Nothing Phone 3A मध्ये ६.७७-इंचाचा AMOLED डिस्प्ले आहे, जो १२०Hz रिफ्रेश रेट आणि ३००० निट्स ब्राइटनेस प्रदान करतो. हँडसेटमध्ये १०००Hz टच सॅम्पलिंग रेट आणि ५०००mAh बॅटरी आहे. यामध्ये स्नॅपड्रॅगन ७s Gen ३ प्रोसेसर आणि Nothing OS ३.१ आधारित Android १५ कार्यरत आहे. त्यात नथिंगची सिग्नेचर लाइटिंग फीचर देखील दिलं गेलं आहे.