लाडकी बहीण योजनेत लाभार्थी महिलांना केवायसी करणे अनिवार्य केले आहे. अजूनही लाखो महिलांची केवायसी बाकी आहे. त्यांना ३१ डिसेंबरपर्यंत हे काम पूर्ण करायचे आहे. दरम्यान, ज्या महिलांनी केवायसी केली आहे आणि त्यात काही चूक असेल तर त्यांचाही लाभ बंद केला जाऊ शकतो. त्यामुळे या लाभार्थी महिलांना चूक सुधारण्याची एक संधी दिली जाणार आहे. या महिलांना चुक सुधारण्यासाठी वेबसाइटवर नवीन पर्याय उपलब्ध करुन दिला आहे. त्यामुळे जर तुमचीही केवायसी करताना काही चूक झाली असेल तर अशा पद्धतीने तुम्ही ती एडीट करु शकतात.

ईकेवायसीत चूक सुधारण्याची प्रोसेस (Ladki Bahin Yojana eKYC one time edit option)

सर्वात आधी तुम्हाला लाडकी बहीण योजनेच्या https://ladakibahin.maharashtra.gov.in/या वेबसाइटवर जायचे आहे.

यानंतर तुम्हाला होमपेजवरच ईकेवायसी करताना लाभार्थ्यांकडून पर्याय निवडताना संभ्रम येत असल्याने चूक झाल्यास असं लिहलं असेल, त्यावर क्लिक करा.

यानंतर थेट एक लिंक ओपन होणार आहे. त्यावर तुम्हाला क्लिक करायचे आहे.

यानंतर तुम्हाला आधार नंबर आणि कॅप्चा कोड टाकायचा आहे.

यानंतर तुमच्यासमोर फॉर्म ओपन होईल. त्यामध्ये तुम्हाला तुमची सर्व योग्य माहिती भरायची आहे.

चुकीची माहिती गेली असेल तर ती एडीट करुन नवीन खरी माहिती भरायची आहे.

यानंतर पुन्हा तुम्हाला काही प्रश्नांची उत्तरे द्यायची आहे आणि फॉर्म सबमिट करायचा आहे.

यानंतर तुमचा फॉर्म एडीट होईल.

ईकेवायसीतील चुक सुधारण्यासाठी महत्त्वाची अट (Ladki Bahin Yojana ekyc edit option)

लाडक्या बहि‍णींना ईकेवायसीमध्ये सुधारणा फक्त एकदाच करता येणार आहे. याबाबत वेबसाइटवरदेखील माहिती देण्यात आली आहे. ही एकवेळ सुधारणा करण्याची अंतिम तारीख ३१.१२.२०२५ पर्यंत उपलब्ध करुन देण्यात आली आहे. त्यामुळे तुम्हाला १५ दिवसात हे काम पूर्ण करायचे आहे.