लाडकी बहीण योजनेच्या लाभार्थ्यांचे टेन्शन वाढवणारी बातमी समोर आली आहे. आता लाडकी बहीण योजनेत सरकारी कर्मचाऱ्यांनी लाभ घेतला आहे. आता तपासणीत धक्कादायक माहिती उघडकीस आली आहेत. आता ही संख्या ८ हजारांवर गेली आहे. ८ हजार सरकारी कर्मचाऱ्यांनी लाडकी बहीण योजनेचा लाभ घेतला आहे. दरम्यान, आता त्यांच्याकडून वसुली करण्यात येणार आहे. या कर्मचाऱ्यांकडून वसुली करण्याचे आदेश वित्तविभागाने दिले आहे.

लाडकी बहीण योजनेत ८ हजार सरकारी कर्मचाऱ्यांनी लाभ घेतला आहे. ही रक्कम जवळपास १५ कोटी आहे. हे पैसे वसूल केला जाणार आहे. या कर्मचाऱ्यांवर शिस्तभंगाची कारवाई करण्यात येणार आहे.

लाडकी बहीण योजनेत जवळपास अडीच कोटींपेक्षा जास्त लाभार्थ्यांना लाभ घेतला आहे. त्यातील लाखो महिलांनी निकषाबाहेर जाऊन योजनेचा लाभ घेतला आहे. त्यानंतर त्यांची पडताळणी करण्यात आली. त्यातून लाखो महिलांचे अर्ज बाद करण्यात आले आहे.

८ हजार अंगणवाडी सेविकांकडून १५ कोटी रुपये वसूल केले जाणार आहे. या महिलांनी मागील १ वर्षांपासून दर महिन्याला १५०० रुपयांचा लाभ घेतला आहे. एक वर्ष आणि दोन महिने त्यांनी योजनेचा लाभ घेतला आहे. यातून जवळपास त्यांनी २१००० रुपयांचा लाभ घेतला आहे. त्यानंतर आता बोगस लाभार्थ्यांची छाननी सुरु केली आहे. यामध्ये सरकारी कर्मचाऱ्यांनी लाभ घेतल्याची धक्कादायक माहिती उघड झाली आहे. याबाबत महिला व बालकल्याण विभागाच्या बैठकीत आढावा घेण्यात आला आहे.

लाडकी बहीण योजनेत निकषानुसार अडीच लाख उत्पन्न असलेल्या महिलांनाच या योजनेचा लाभ मिळणा आहे. अशातच सरकारी कर्मचाऱ्यांकडून शासनाची फसवणूक झाल्याची धक्कादायक माहिती समोर आली आहे. प्रशासनाने ही बाब गांभीर्याने घेतली आहे.आता त्यांच्यावर कारवाई करण्यात येणार आहे.

पगारातून पैसे वळते करणार

ज्या सरकारी कर्मचाऱ्यांनी या योजनेचा लाभ घेतला आहे. त्यांच्या वेतनातून हे पैसे वळते केले जाणार आहे. त्यांच्या वेतनातून टप्प्याटप्प्याने पैसे वसूल केले जावेत, यासाठी सामान्य प्रशासन विभाग आणि वित्त विभागासोबत चर्चा सुरु आहे.