Inflation :

वाढत्या महागाईने सर्वसामान्यांच्या खिशाला कात्री बसली आहे. वाढत्या किंमतीमुळे जीवनावश्यक वस्तूंसाठी देखील आता अधिक पैसे मोजावे लागतील का असा प्रश्न अनेकांना पडला आहे.

महिन्याच्या सुरुवातीला गॅस सिलिंडरच्या भावानंतर डाळींच्या (Pulses) किमतीत देखील वाढ झालेली पाहायला मिळाली. त्यामुळे गृहिणीचं बजेट कोलमडलं आहे. डाळींच्या दरात प्रति किलो वीस रुपयांपर्यंत वाढ झाली आहे. कांदा, टोमॅटोचे दर वाढले असताना अशातच डाळींच्या किमतीत देखील वाढ झालेली पाहायला मिळाली आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

नवी मुंबईतील एपीएमसी बाजारात डाळीचे दर वाढले असून प्रति किलो मागे दहा ते वीस रुपयांनी (Price) वाढ झाली आहे. डाळीचे दर वाढल्याने खरेदीचा कल देखील कमी झाला आहे. येत्या काळात डाळीचे दर आणखी वाढण्याची शक्यता वर्तवण्यात आली आहे. जीवनावश्यक वस्तूंच्या दरात मोठ्या प्रमाणात वाढ होत असल्याने सर्वसामान्यांच्या खिशावर ताण पडला आहे.

दरम्यान दुसरीकडे किरकोळ बाजारात कांदा आणि टोमॅटोच्या किंमतीत पुन्हा एकदा मोठ्या प्रमाणात वाढ झाली आहे. किरकोळ बाजारात कांद्याचे दर प्रति किलो पन्नास ते साठ रुपयांपर्यंत पोहोचले आहेत. तर टोमॅटोचे दर प्रति किलो चाळीस ते पन्नास रुपये इतके सध्या आहे. अवकाळी पावसामुळे भाजीपाला (Vegetable) देखील महागण्याची शक्यता वर्तवण्यात आली आहे.