वाढते हेल्थ इन्शुरन्स प्रीमियम आणि गरजेच्या वेळी कंपन्यांकडून होणाऱ्या दिरंगाईपासून सर्वसामान्यांना अनेकदा अडचणींचा सामना करावा लागतो. मात्र, आता विमा क्लेम मिळवण्यासाठी तुम्हाला रुग्णालयात 24 तास भरती राहण्याची सक्ती नसणार आहे. नव्या नियमांनुसार आता फक्त 2 तास जरी रुग्णालयात तुम्ही उपचार घेतले तरीही तुम्हाला विम्याचे पैसे मिळणार आहेत. मात्र, याकरिता भारतीय विमा नियामक आणि विकास प्राधिकरणा(IRDAI)च्या काय अटी आहेत पाहूयात....

केवळ 2 तास उपचार, मेडिक्लेम होणार

पॅनलमधील रुग्णालयाची निवड करा

भरती होताच इन्शुरन्स कंपनीला कळवा

कंपनीकडून प्री-ऑथोरायझेशन मंजुरी आधीच मिळवा

डॉक्टरांची प्रिस्क्रिप्शन आणि केसपेपर जपून ठेवा

डिस्चार्ज समरीसह सर्व बिलं सादर करा

खरंतर, अपघात झाल्यास किंवा गंभीर आजार जडल्यास उपचार घेण्यासाठी आपल्याला हेल्थ इन्शुरन्स असल्यानं पुष्कळ फायदा होतो. मात्र, छोट्या-मोठ्या उपचारांसाठी आरोग्य विम्याचा लाभ घेता येत नाही. आता बदललेल्या नियमामुळे झटपट उपचारांसाठीही लाभ घेता येणार असल्यानं सामान्यांना मोठा दिलासा मिळणार आहे.