सरकारी कर्मचारी आणि आठव्या वेतन आयोगाच्या शिफारशी आणि नव्या वेतनाची केंद्रीय कर्मचारी आतुरचेने वाट पाहतायेत. आयोगाच्या अहवालाला किंवा शिफारशींच्या अंमलबजावणीला उशीर झाल्यावर कर्मचाऱ्यांना एरियर मिळण्याची शक्यता असते. पण एरियरची नेमकी रक्कम नवीन बेसिक पे, फिटमेंट फॅक्टर आणि वेतनवाढ कोणत्या प्रभावी तारखेपासून लागू होते, यावर अवलंबून असेल.

आठव्या वेतन आयोगाला अहवाल सादर करण्यासाठी १८ महिन्यांचा कालावधी दिला आहे. त्यामुळे सध्याच्या वेळापत्रकानुसार अहवाल मे २०२७ च्या आसपास येण्याची शक्यता आहे. पण आयोगाला गरज असेल तर जास्तीचा वेळ मागता येऊ शकतो. त्यामुळे अंतिम तारीख ठरलेली असल्याचं मानता येणार नाही.

लेव्हल ६ कर्मचाऱ्यांचे संभाव्य एरियर

लेव्हल ६ ची सध्याची बेसिक सॅलरी ३५,४०० रुपये असल्याचं गृहीत धरल्याने, २.१५ फिटमेंट फॅक्टरनुसार नवीन बेसिक पे ७६,११० रुपये होऊ शकतो. या अंदाजानुसार २० महिन्यांच्या उशीरासाठी ८.१४ लाख रुपये, तर २४ महिन्यांसाठी ९.७७ लाखांचा एरियर होऊ शकतो. २.५७ फिटमेंट फॅक्टर गृहीत धरल्याने २४ महिन्यांचा एरियर सुमारे १३.३४ लाखांपर्यंत जाऊ शकतो.

लेव्हल ७ मध्ये किती एरियर?

लेव्हल ७ ची बेसिक सॅलरी ४४,९०० मानल्यावर, २.१५ फिटमेंट फॅक्टरनुसार २४ महिन्यांचा संभाव्य एरियर सुमारे १२.३९ लाख होऊ शकतो. २.५७ फिटमेंट फॅक्टरनुसार ही रक्कम सुमारे १६.९२ लाखांपर्यंत जाऊ शकते.