चुरूमधून भाजपचे हरलाल सहारन विजयी झाले आहेत.

तर सादुलपूरमधून बसपचे मनोज न्यागली यांचा विजयी झालाय.

सुजानगडमधून भाजपचे मनोजकुमार मेघवाल विजयी झाले आहेत

तारानगरमध्ये काँग्रेसचे नरेंद्र बुधनिया यांनी विजयाला गवसणी घातलीये.

सरदारशहरमधून काँग्रेसचे अनिल शर्मा विजयी झालेत.

रतनगडमध्ये काँग्रेसचे पुसाराम गोदरा यांनी विजयी मिळवलाय.

राजस्थानच्या जनतेने दिलेला जनादेश आम्हाला मान्य आहे. आम्ही त्याचा स्वीकार केलाय. आमच्यासाठी हा अनपेक्षित निकाल होता. आमच्या योजना, कायदे आणि नवकल्पना लोकांपर्यंत नेण्यात आम्ही पूर्णपणे प्रयत्न केले. मात्र आम्ही यशस्वी झालो नाही.

आलेल्या नवीन सरकारला माझ्या शुभेच्छा. माझा त्यांना सल्ला आहे की, खूप मेहनत करूनही आम्हाला यश मिळाले नाही, याचा अर्थ त्यांनी सरकारमध्ये आल्यानंतर त्यांना आमच्यापेक्षाही जास्त काम करावे लागणार आहे, अशी प्रतिक्रिया मुख्यमंत्री अशोक गेहलोत यांनी दिली आहे.

गेल्या अनेक दिवसांपासून राजस्थानसह मध्यप्रदेश आणि छत्तीसगडमधील निवडणुकांवर देशाचं लक्ष लागून आहे. राजस्थानमध्ये काँग्रेस पक्षाचा पराभव होताना दिसतोय. अशा परिस्थितीत राजस्थान काँग्रेसचे प्रदेशाध्यक्ष गोविंद सिंह दोतासरा यांनी दिलेल्या माहितीनुसार, काँग्रेस विधीमंडळ पक्षाची सोमवारी आजोजित केलेली बैठक मंगळवारी होणार आहे. मंगळवारी जयपूरमध्ये विधिमंडळ पक्षाची बैठक होणार आहे. 

राजस्थानमध्ये आलेले एक्सिट पोल पूर्णता फेल ठरल्याचं दिसत आहे. अशात अशोक गहलोत आज सायंकाळी ५.३० वाजता आपल्या पदाचा राजीनामा देण्याची शक्यता आहे, अशी माहिती सूत्रांनी दिलीये. १९९ जागांपैकी सध्या भाजप ११६ जागांवर आघाडीवर आहे. तक काँग्रेसने अजून ७० चा आकड देखील गाठलेला नाही.

माजी मुख्यमंत्री वसुंधरा राजे यांनी राजस्थान विधानसभा २०२३ निवडणुकीत बाजी मारली आहे. झालरापाटनमधून त्यांना १०३०१० मतांनी विजय मिळाला आहे.

राजस्थानमध्ये कुणाचं सरकार येणार याचं उत्तर आता जवळजवळ समोर आलं आहे. आतापर्यंत समोर आलेल्या कलांनुसार, १०० ते १०८ जागा भाजपला मिळतील अशी शक्यता आहे. तर काँग्रेसला ७० ते ८० जागा मिळण्याची शक्यता आहे.

राजस्थानमध्ये निकालांचे कल समोर येत आहेत. अशात समोर आलेल्या माहितीनुसार, अजमेरमध्ये भाजपाने आपलं पहिलं खातं खोललंय. दक्षिण विधानसभामधून भाजपच्या अनीता भदेल यांनी विजय मिळवलाय. याबाबतची घोषणा बाकी आहे.

राजस्थानमध्ये येत असलेल्या कलांनुसार, भाजप आघाडीवर असून विजयाच्या दिशेने वाटचाल करताना दिसत आहे. एकूण १९९ जागांपैकी ११५ जागांवर भाजप आघाडीवर आहे. तर काँग्रेस पिछाडीवर दिसत आहे. काँग्रेस ७२ जागांवर आघाडीवर आहे.

मतमोजणी सुरू असताना समोर येत असलेले कल पाहून राजस्थानमध्ये भाजप आघाडीवर दिसत आहे. सध्या भाजप ११२ जागांवर पुढे आहेत. आघाडीपाहून जयपूरमधील कार्यकर्त्यांनी पार्टी कार्यालयाबाहेर जल्लोष साजरा केला आहे.

झालरापाटनमधून वसुंधरा राजेंनी मुसंडी मारलीये. ते ३०३९५ मतांनी आघाडीवर आहेत. तर अशोक गेहलोत यांना २७२७९ मतांनी आघाडीवर आहेत.

राजस्थानमध्ये भाजप आणि काँग्रेसमध्ये काट्यांची टक्कर सुरु आहे. प्राप्त कलांनुसार, राजस्थानात भाजप विजयाच्या वाटेवर आहे. भाजपने मोठी आघाडी घेतल्यामुळे मुख्यमंत्री पद कोणाला? मिळणार या चर्चांना उधाण आलं आहे.

कोटा उत्तर विधानसभा मतदारसंघातील तीन फेऱ्यांमध्ये आलेल्या कलांनुसार, UDH मंत्री शांती धारीवाल ४४२० मतांनी पिछाडीवर आहेत. तर भाजपचे उमेदवार प्रल्हाद गुंजाळ यांनी आघाडी मिळवली आहे.

भाजप आणि काँग्रेसमध्ये काट्यांची टक्कर दिसत आहे. समोर आलेल्या कलांनुसार सचिन पायलट पुन्हा एकदा आघाडीवर आले आहेत. सचिन पायलट ३६०० मतांनी आघाडीवर आहेत.

भाजपने राजस्थानध्ये बहुमताचा आकडा गाठला आहे. सध्या आलेल्या कलांनुसार भाजप १०१ जागांवर आघाडीवर आहे. तर काँग्रेस ८३ जागांवर आघाडीवर आहे.

राजस्थान विधानसभा निवडणुकीच्या सुरुवातीच्या कलांमध्ये, हरिमोहन शर्मा बुंदी विधानसभा मतदारसंघातून हरिमोहन शर्मा यांनी आघाडी घेतलीये. ते १८ मतांनी पुढे आहेत.

काँग्रेसचे सीएल प्रेमी १००० मतांनी आघाडीवर दिसतायत. तर हिंदोलीतून अशोक चंदना ५८४१ मतांनी आघाडीवर आहेत.

राजस्थानमध्ये भाजप १०० जागांवर आघाडीवर आहे. तर काँग्रेस ८४ जागांवर पिछाडीवर

राजस्थानच्या झालरापाटन मतदारसंघातून भाजपची आघाडी दिसतेय. भाजप नेते वसुंधरा राजे ५००० मतांनी आघाडीवर आहेत. 

राजस्थामध्ये काँग्रेस आणि भाजप दोन्ही पक्षांत काट्याची टक्कर पाहायला मिळतेय. भाजप सध्या ९६ जागांवर आघाडीवर आहे. तर काँग्रेस ९३ जागांवर आघाडीवर आहे.

राजस्थान विधानसभा निवडणूकीचे निकाल येण्यास सुरूवात झाली आहे. सुरूवातीला भाजप आघआडीवर दिसले आता काँग्रेस आघाडीवर दिसत आहे. १४२ जागांपैकी भाजप ७६ जागांवर पुढे आहे. तक काँग्रेस ६१ जागांवर पुढे आहे.

जोधपुर पोस्टल बॅलेट

जोधपुर शहरात भाजप आघाडीवर

जोधपुर सरदारपुरा काँग्रेस आघाडीवर

लुणी भाजप आघाडीवर

बिलाड़ामध्ये भाजप आघाडीवर

भोपालगढ़मध्ये कांग्रेस आघाडीवर

सध्या राजस्थानमध्ये भाजपने ५० जागांवर आघाडी घेतली आहे. तर काँग्रेस ४४ जागांवर पुढे दिसत आहे.

मतमोजनीला सुरूवात होण्याआधी भाजपच्या वरिष्ठ नेत्यांनी राष्ट्रीय लोकतांत्रिक पक्षाचे प्रमुख हनुमान बेनिवाल यांच्याशी संपर्क साधल्याची माहिती सूत्रांनी दिली आहे. गेल्या विधानसभा निवडणुकीत आरएलपीच्या उमेदवारांनी ३ विधानसभा जागांवर विजय मिळवला होता. याआधी हनुमान बेनिवाल एनडीएत होते. साल २०२० मध्ये शेतकरी विधेयकावरून ते युतीतून बाहेर पडले.

राजस्थानात निकालाआधी वसुंधरा राजे गटाच्या बैठकांचा सिलसिला सुरु. रात्री ३ वाजेपर्यंत बैठका पार पडल्या.  (Rajasthan Assembly Election 2023 Results LIVE)

राजस्थान विधानसभा २०२३ निवडणुकीत काटे की टक्कर पाहायला मिळणार आहे. एक्झिट पोलनुसार राजस्थानमध्ये भाजपला १०० ते ११० जागा मिळतील. तर ९० ते १०० जागा मिळण्याचा अंदाज आहे. याशिवाय ५ ते १० जागांवर अपक्ष उमेदवारांचा विजय होईल, असं एक्झिट पोलचे आकडे सांगत आहेत.

राजस्थानमध्ये मुख्यमंत्री अशोक गेहलोत विरुद्द भाजपचे महेंद्रसिंह राठोड, उपमुख्यमंत्री सचिन पायलट विरुद्द भाजपचे अजित सिंह, भाजप नेत्या वसुंधरा राजे विरुद्ध कॉंग्रसचे रामलाल चौहान या प्रमुख लढती आहेत.

राजस्थानमध्ये काँग्रेस आपली सत्ता कायम राखणार की भाजप गुलाल उधळणार? याचा फैसला आज होणार आहे. कारण, राजस्थान विधानसभा २०२३ निवडणुकीचा निकाल आज म्हणजेच रविवारी जाहीर होणार आहे. सकाळी ८ वाजेपासून मतमोजणीला सुरुवात होणार असून पोलिसांचा कडेकोट बंदोबस्त तैनात करण्यात आला आहे.

राजस्थानमध्ये २०० विधानसभा जागांसाठी एकूण १,८६२ उमेदवार रिंगणात आहेत. यासाठी २५ नोव्हेंबर रोजी मतदान घेण्यात आलं होतं. यावेळी ७५.४५ टक्के मतदान झालं. या उमेदवारांचं भवितव्य मतपेटीत बंद झालं असून त्याचा फैसला आजच होणार आहे.

२०१८ साली राजस्थान विधानसभा निवडणुकीत काँग्रेसने बाजी मारली होती. तर भाजपचा दारुण पराभव झाला होता. यानंतर काँग्रेसचे अशोक गेहलोत हे यांनी मुख्यमंत्रीपदाची शपथ घेतली. राजस्थानमध्ये निवडणुकीची एक वेगळीच परंपरा आहे.

येथे १९९३ पासून कोणत्याही पक्षाला सलग दोन वेळा राज्यात सरकार स्थापन करता आलेलं नाही. राज्यात आळीपाळीने कधी भाजप तर कधी काँग्रेसचं सरकार आलं आहे. त्यामुळे काँग्रेस ही परंपरा मोडून सत्ता स्थापन करणार की भाजप विजयाची चव चाखणार? याचा फैसला आजच होईल.