जालना: एसटी महामंडळाचे राज्य शासनात विलीनीकरणाचा मुद्दा अत्ता महामंडळाला तोट्यात टाकणारा ठरतोय. विलीनीकरणाच्या मागणीसाठी जालना जिल्ह्याच्या चारही आगारातील तब्बल १२३० कर्मचाऱ्यांनी गेल्या सात दिवसांपासून संपाचे हत्यार उपसले आहे, त्यामुळे चार आगारातील जवळपास २२० बस उभ्या असल्याने महामंडळाला बसच्या जवळपास ३६० फेऱ्या रद्द कराव्या लागल्या आहेत. परिणामी महामंडळाच्या जालना विभागाला गेल्या सात दिवसांत तब्बल १ कोटी ८४ लाख रुपयांचे नुकसान सहन करावे लागले असल्याची माहिती जालना विभागीय कार्यालयाकडून देण्यात आली आहे.

हे देखील पहा -

दरम्यान संप सुरू झाल्यापासून आत्तापर्यंत १२३० कर्मचाऱ्यांपैकी २९ कर्मचाऱ्यांचं निलंबन करण्यात आल्याने संपकरी कर्मचारी मागे हटायला तयार नाहीत. आगारातून एकही बस बाहेर पडली नसल्याने वर्क शॉप कर्मचाऱ्यांनीही या संपात उडी घेतल्याने बस दुरुस्तीचे कामही गेल्या चार दिवसांपासून थांबलं आहे. संपात सहभागी झालेले कर्मचारी कामावर रुजू होण्यास तयार नसल्याने चारही आगारातील जवळपास ३६० फेऱ्या रद्द कराव्या लागल्याने महामंळाला दरोज सुमारे २५ ते २६ लाखाचे नुकसान होत असल्याने मागील सात दिवसांत महामंडळाच्या जालना विभागाला पावणे दोन कोटींचा फटका बसला आहे.

प्रशासनाकडून कर्मचाऱ्यांना कामावर रुजू होण्याच्या सूचना केल्या जात आहेत, मात्र कर्मचारी विलिनीकरणाच्या मुद्यावरून संपाचा भूमिकेवर ठाम असल्याने, संपाचे आंदोलन आणखीच चिघळवे आहे. गेल्या सात दिवसापासून जिल्ह्यातील रस्त्यावर लालपरी धावत झाल्याने सर्वसामान्य प्रवाशांचे मात्र हाल झाले आहेत.

Edited By - Akshay Baisane