- अजय सोनवणे

Nashik Maratha Andolan : मराठा समाजाला आरक्षण मिळावे यासाठी राज्यभरात सकल मराठा समाजाच्या वतीने आजही (गुरुवार) आंदाेलन सुरु आहे. या आंदाेलकांना पाठींबा देण्यासाठी नाशिक जिल्यातील येवला बाजार समिती आज बंद ठेवण्यात आली आहे.(Maharashtra News)

नाशिक जिल्यातील येवला बाजार समितीत व्यापा-यांनी केलेल्या विनंती अर्जानुसार तसेच मराठ आरक्षण (maratha reservation) व आमरण उपोषणाला बसलेल्या मनोज जरांगे (manoj jarange patil) यांना पाठिंबा देण्यासाठी बाजार समिती बंद ठेवण्यात आली आहे. त्यामुळे आज हाेणारे कांदा लिलावासह अन्य भुसार मालाचे लिलाव हाेणार नाहीत.

दरम्यान मराठा आरक्षणाच्या मागणीसाठी व उपोषणाला बसलेल्या मनोज जरांगे यांना पाठिंबा देण्यासाठी नाशिकच्या येवला तालूक्यातील साताळी गावातून मराठा समाजाने कँडन्डल मार्च काढला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

याबराेबरच गावात छगन भुजबळ यांच्या निधीतून उभारण्यात आलेल्या सभा मंडपावर लावण्यात आलेले त्यांचे नावाची मराठा आंदोलकांनी तोडफोड करत घोषणाबाजी केली.

Edited By : Siddharth Latkar