संजय राठोड

यवतमाळ : शेतात पिकांची पाहणी करण्यासाठी गेलेल्या शेतकऱ्यांवर मधमाशांनी हल्ला केला. मधमाशांच्या हल्ल्यापासून बचाव करण्यासाठी काही साधन नसल्याने शेतकरी गंभीर जखमी झाला. दरम्यान जखमी शेतकऱ्याचा रुग्णालयात उपचार सुरु असताना मृत्यू झाल्याची घटना घडली आहे.

यवतमाळच्या (Yavatmal News) नेर तालुक्यातील खरडगाव येथे हि घटना घडली आहे. निलेश अंबादास ठवळी असे या मृत शेतकऱ्यांचे नाव आहे. पावसाने उघडीप दिल्यानंतर शेतातील पिकांची पाहणी करण्यासाठी निलेश ठवळी हे गेले होते. दरम्यान आपल्या शेतात लागवड केलेल्या सोयाबीन पिकाची पाहणी करत होता, त्यावेळी शेतातील झाडावर बसलेला मधमाशांनी त्यांच्यावर अचानक हल्ला केला. मधमाशानी अचानक हल्ला केल्याने शेतकऱ्याजवळ (farmer) बचाव करण्यासाठी काहीच साधन नव्हते.  

दरम्यान मधमाश्यांच्या हल्ल्यात सदर शेतकरी गंभीर जखमी झाले होते. यानंतर त्याला तातडीने कारंजा येथील शासकीय रुग्णालयात उपचारासाठी नेण्यात आले. रुग्णालयात उपचार सुरु असताना ऱ्यांचा मृत्यू झाल्याचे डॉक्टरांनी घोषित केले. यावेळी कुटुंबातील सदस्यांनी आक्रोश केला.