मनोज जयस्वाल 

वाशिम : रब्बी हंगामातील हागू, हरभरा, ज्वारी काढणीला सुरवात झाली आहे. तसेच तूर काढणी देखील आटोपली असून भाव चांगले मिळतील अशी (Farmer) शेतकऱ्यांना अपेक्षा आहे. मात्र दोन दिवसांपासून झालेल्या अवकाळी पावसामुळे भावावर परिणाम होईल; यासाठी शेतकऱ्यांनी गहू, ज्वारी, हरभरा विक्रीसाठी आणला आहे. यामुळे (Bajar Samiti) बाजार समितीसमोर रांगा लागल्या आहेत. (Tajya Batmya)

वाशिम (Washim) जिल्ह्यात अवकाळी पावसामुळे रब्बी हंगामातील काढणी केलेल्या गव्हावर याचा परिणाम होण्याची शक्यता आहे. त्यामुळे शेतकरी गव्हाच्या विक्रीची तसेच हरभरा, तूर पिकाच्या विक्रीसाठी बाजार समितीमध्ये धाव घेतल्याने वाशिम जिल्ह्यातील (Selu) शेलुबाजार येथील उपबाजार समितीच्या समोर अकोला- आर्णी राष्ट्रीय महामार्गावर वाहनांच्या लांबच लांब रांगा लागल्या आहेत.


('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तर दुसरीकडे बाजार समितीत जसा पाहिजे, तसा शेत मालाला दरही मिळत नाही. कालच्या अवकाळी पाऊसमुळे हा शेतमाल ठेवायचा कुठे? हा मोठा प्रश्न शेतकऱ्यांपुढे पडला आहे. यामुळे शेतकरी आपला माल विक्रीकरिता मार्केटमध्ये आणत आहे. येथे आणल्यानंतर मिळेल त्या भावात माळ विक्री करत आहे.