चेतन व्यास

वर्धा : राज्य सरकारच्यावतीने छत्रपती शिवाजी महाराज शेतकरी सन्मान योजनेअंतर्गत कर्जमाफी योजना राबवण्यात आली. त्यातील को– ऑपरेटीव्ह बँकेच्या (Bank) अजूनही आठ हजारांवर (Farmer) शेतकर्‍यांना ६० कोटी रुपयांची कर्जमाफी मिळालेली नाही. (Breaking Marathi News)

राज्य सरकारने राबवलेल्या छत्रपती शिवाजी महाराज शेतकरी सन्मान योजनेत अनेक शेतकऱ्यांना कर्जमाफीचा लाभ मिळाला. वर्धा (Wardha) जिल्हा मध्यवर्ती सहकारी बँकेने २२ हजार ५६६ खातेधारकांची माहिती अपलोड केली. त्याकरिता १४३ कोटी १५ लाख रुपये पाहिजे होते. या योजनेतून जिल्हा मध्यवर्ती सहकारी बँकेच्या १३ हजार ८०६ शेतकऱ्यांना ८२ कोटी ८१ लाख रुपयांची कर्जमाफी मिळाली.

६० कोटींची कर्जमाफी प्रलंबित

पण ८ हजार ७६० शेतकऱ्यांची ६० कोटी ३५ लाख रुपयांची कर्जमाफी प्रलंबीत आहे. याकरिता कुणी आयकर भरणारे असलेले शेतकरी, कुणी आधार लिंक केले नसणे, कुणी सुविधा केंद्रात जावून आवश्यक माहिती दिली नसल्याची कारणे असू शकतात. याबाबत शासन स्तरावर पाठपुरावा सुरू असल्याचे बँकेच्या अधिकाऱ्यांनी सांगितले.