Pandharpur News : पंढरपूर येथील विठ्ठल साखर कारखान्याने जास्तीचा ऊस मिळवण्यासाठी ऊस उत्पादक शेतकऱ्यांसाठी प्रोत्साहनपर बक्षीस योजना जाहीर केली आहे. यामुळे ऊस उत्पादकांमध्ये चैतन्याचे वातावरण पसरले आहे. (Maharashtra News)

यंदा सोलापूर जिल्ह्यात पाऊस कमी झाल्याने ऊस उत्पादन घटणार आहे. या पार्श्वभूमीवर अधिकचा ऊस मिळवण्यासाठी पंढरपूर भागातील साखर कारखान्यांमध्ये ऊस दराची स्पर्धा सुरू झाली आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पंढरपूरच्या विठ्ठल साखर कारखान्याने जास्तीचा ऊस मिळवण्यासाठी ऊस उत्पादक शेतकऱ्यांसाठी प्रोत्साहन पर बक्षीस योजना जाहीर केली आहे. शंभर टन ऊस पुरवठा करणाऱ्या शेतक-याला प्रती टन दहा रूपये, अडीचशे टनासाठी पंधरा रूपये, पाचशे टनासाठी 25 तर एक हजार टनासाठी 50 रूपये बक्षीस म्हणून अधिकचे देण्यात येणार आहेत.

या बक्षीस योजनेचा कारखान्याला ऊस मिळवण्यासाठी चांगला‌ फायदा होईल असे कारखान्याचे अध्यक्ष अभिजित पाटील यांनी सांगितले.

Edited By : Siddharth Latkar