नंदुरबार - आधीच महागाईच्या भडक्यात होरपळून निघालेल्या सर्वसामान्यांची चिंता वाढवणारी बातमी आहे. गुजरात आणि मध्य प्रदेशची परसबाग म्हणून नंदुरबार (Nanurbar) जिल्ह्याची ओळख आहे. जिल्ह्यातून गुजरात (Gujarat) आणि मध्य प्रदेश लाही मोठ्या प्रमाणात भाजीपाला पुरवठा केला जात असतो मात्र परतीच्या पावसामुळे भाजीपाला पिकाचे मोठ्या प्रमाणात नुकसान झाले आहे. याचाच परिणाम भाजीपाल्याच्या दारावर झाला आहे. (Nandurbar Latest News In Marathi)

नंदुरबार कृषी उत्पन्न बाजार समितीच्या महात्मा फुले भाजीपाला मार्केटमध्ये भाजीपाल्याचे आवक कमी झाली असून भाजीपाल्याचे दर वाढले आहेत. त्याचा फटका सर्वसामान्य माणसांना बसत आहे. भाजीपाल्याचे दर शंभरी गाठतात की काय अशी भीती व्यक्त केली जात आहे. भाजीपाल्याच्या दरात वाढ झाली आहे. याचा फटका सर्वसामान्य माणसाला बसत असून दिवाळी काळातच भाजीपालाच्या दरवाढीचा फटका सर्वसामान्यांच्या खिसा खाली करणारा ठरत आहे.

भाजीपाला दर खालील प्रमाणे

शेवगा. - ८० रुपये प्रति किलो

कोथिंबीर- ६० रुपये प्रति किलो

गिलकी - ६० रुपये प्रति किलो

दोडकी- ६० रुपये प्रति किलो

वांगे :- ५० रुपये प्रति किलो

बटाटे - ४० रुपये प्रति किलो

टोमॅटो - ४० रुपये प्रति किलो

मिरची - ३० रुपये प्रति किलो

कोबी - ४० रुपये प्रति किलो

पत्ता कोबी - ४० रुपये प्रति किलो

Edited By - Shivani Tichkule