भंडारा : भंडारा जिल्ह्यात तब्बल 4 लाख पाळीव जनावराचे आरोग्य धोक्यात आले आहे. गेल्या 2 महिन्यांपासून जिल्ह्यात पशु चिकित्सा संघटनेचे आंदोलन सुरु असल्याने तब्बल 4 लाख पाळीव जनावरांचे लसिकरण खोळंबले आहे. त्यामुळे जिल्ह्यातील पाळीव प्राण्यांचे लसीकरण न झाल्याने जनावरांचे आरोग्य धोक्यात आले असून आतापर्यंत जिल्हातील तब्बल 25 जनावरांचा व 1 घोड्याचा मृत्यु झाला आहे. (Vaccination of animals was delayed due to agitation of veterinary association in Bhandara)

जिल्ह्यात पर्यायाने राज्यात 15 जूनपासून पशु चिकित्सा संघटनेचे आपल्या विविध मागण्यांसाठी आंदोलन सूरु झाले आहे. त्यामुळे मागील 2 महिन्यांपासुन जिल्ह्यात एकही पशु वैद्यकीय अधिकारी जनावरांच्या आरोग्याची तपासणी करण्यासाठी आले नाही. इतकेच काय प्रत्येक वर्षाच्या 6 महिन्यांत लागनारी घटसर्प, एक टयांग्या, आंत्रविषार इत्यादी रोगाची लस त्यांना अद्यापही लागली नाही. ही लस केवळ यांनाच नाही तर भंडारा जिल्ह्यातील तब्बल 3 लाख 82 हजार पशुंना लस देण्यात आली नाही.

हे देखील पहा -

सध्या जनावरांच्या आरोग्यची तपासणी न झाल्याणे जिल्ह्यातील तब्बल 20 ते 25 जनावरे दगावले असून चिचाळ येथील तब्बल 3 लाखाच्या घोडा उपचाराविना दगावला आहे. जनावरांची ही स्थिती बघून शेतकरी चिंतेत पडले आहेत. पशुपालन आमचा जोडधंदा असल्याने आमचा त्रास लक्षात घेऊन लवकर लसीकरण करून देण्याची मागणी शेतकरी करीत आहे. तर शासन जोपर्यंत आमच्या मागण्या मान्य करत नाही तोपर्यंत प्रशासनाला असहकार असल्याचे पशु चिकित्सा संघनेचे पदाधिकारी सांगतात. शासनच ह्याला जबाबदार असल्याचे आंदोलनकारी कर्मचारी सांगत आहे.

राज्यात शासन आणि संघटना यांच्या वादात मुक्या जनावरांचे मात्र हाल होत आहेत. जनावरांनी चारा पाणी खाणे सोडले आहे. आता तर चक्क जनावरांवर साथिचे रोग प्रभाव करीत आहे. त्यामुळे शासनाने वेळीच लक्ष घालून लसीकरणाची पर्यायी व्यवस्था करणे गरजेचे आहे, जेणे करून ह्या मुक्या जनावरांचा बळी जाण्यापासून त्यांना वाचवता यईल.

Edited By - Akshay Baisane