संतोष शाळीग्राम, नवी दिल्ली

नवी दिल्ली: मुंबईतील सेंट्रल इन्स्टिट्यूट ऑफ फिशरीज (Central Institute of Fisheries Education) या संस्थेला राष्ट्रीय मानांकन मिळाले आहे. भारतीय कृषी अनुसंधान परिषद, नवी दिल्लीचे राष्ट्रीय स्तरावरील मानांकन जाहीर झाले आहेत, यात‌ या संस्थेला सातवा क्रमांक मिळाला आहे. (The Central Institute of Fisheries in Mumbai is ranked seventh in the country)

हे देखील पहा -

देशातील 67 कृषी विज्ञान संस्थांचे मानांकन (Rank) जाहीर करण्यात आले आहे. अकोला (Akola) येथील डॉ. पंजाबराव देशमुख कृषी विद्यापीठाने राष्ट्रीय पातळीवर 26 व्या स्थानी भरारी घेतली आहे. नागपूर येथील महाराष्ट्र पशू आणि मत्स्य विज्ञान विद्यापाठाने 36 वे, तर दापोलीतील कोकण कृषी विद्यापीठाला 42 वे स्थान मिळाले आहे. भारतीय कृषी अनुसंधान परिषद, नवी दिल्ली अंतर्गत देशभरातील सर्वच कृषी विद्यापीठे कार्यरत असून, विद्यापीठांचा शैक्षणिक, संशोधनात्मक तथा विस्तार कामांचा वार्षिक आढावा दरवर्षी परिषदेच्या माध्यमातून घेण्यात येतो.

विद्यापीठांमधील उपलब्ध सोयी सुविधा, संशोधक, प्राध्यापक, विद्यार्थी वर्गांची शैक्षणिक व संशोधनात्मक कामगिरी तथा विद्यापीठाचा कृषी (Agriculture) तथा तत्सम विभागामार्फत कृषी विस्तार कार्यक्रमाचा लेखाजोखा या निमित्ताने दरवर्षी तपासला जातो. त्यानुसार त्यांची गुणवत्तेचे रँकिंग जाहीर केले जाते.

Edited By - Akshay Baisane