सांगली : स्वाभिमानी शेतकरी संघटनेकडून आज आणि उद्या ऊसतोड बंद आंदोलनाची हाक दिली आहे. काही ठिकाणी (Sugarcane) ऊसतोड सुरू असल्याने गांधीगिरी पद्धतीने आंदोलन करत ऊसतोड बंद करण्यात आली. (Live Marathi News)

खानापूर (Khanapur) तालुक्यातील उदगिरी आणि पलूस तालुक्यातील क्रांती साखर कारखान्यावर स्वाभिमानी शेतकरी संघटनेने धडक दिली. ऊस वाहतूक करणारा ट्रॅक्‍टर रोखुन गांधीगिरी पद्धतीने स्वाभिमानी शेतकरी संघटनेने निदर्शने करत आंदोलन केले. आज व उद्या कारखाने बंद ठेवण्याचा इशारा दिला आहे. तर ऊस वाहतूक आढळून आल्यास पेटवून देऊ असा इशारा स्वाभिमानी शेतकरी संघटनेचे जिल्हा अध्यक्ष महेश खराडे यांनी दिला.

अशा आहेत मागण्या

एकरकमी एफआरपी मिळाली पाहिजे, तीन टप्प्यात एफआरपी देण्याचा राज्य शासनाने केलेला कायदा रद्द करावा, वजन काटे ऑनलाईन झाले पाहिजेत, रिकव्हरीतील चोरी थांबली पाहिजे, तोडीला द्यावे लागणारे पैसे बंद झाले पाहिजेत आदींसह अन्य मागण्यांसाठी स्वाभिमानीने आंदोलन पुकारले आहे.