नांदेड - नांदेड जिल्ह्यात चार दिवसांच्या विश्रांतीनंतर आज सायंकाळ पासून जोरदार पावसाला सुरुवात झाली आहे. आठ दिवसांपूर्वी जिल्ह्यातील अनेक भागात अतिवृष्टी झाली होती. त्यामुळे जिल्ह्यातील शेकडो हेक्टर जमीन खरडली गेली होती. त्यानंतर आता पुन्हा पावसाचं पुनरागमन झाल्यानं शेतकऱ्यांची चिंता वाढलीय.

हे देखील पहा -

खरीप हंगामातील पिक हाती लागेल की नाही याची भिती आता शेतकऱ्यांना सतावू लागली आहे. जिल्हयातील काही भागात खरीपाला पोषक असा पाऊस झाला होता आणि पावसानं उघडीप दिल्यानं शेतकरी पिकांना खत देणं, किटकनाशक फवारणी आणि निंदन, खुरपनीच्या कामाला लागले होते. मात्र, पावसाचा जोर असाच कायम राहिल्यास शेतीच्या कामात खंड पडण्याची शक्यता शेतकऱ्यांकडून व्यक्त केली जात आहे.

Edited By : Krushnarav Sathe