- सचिन जाधव

Pune News : राज्यात सुरू असलेल्या मराठा समाजाच्या आरक्षणासाठी मनोज जरांगे पाटील (manoj jarange patil latest marathi news) यांच्या आंदोलनास पाठिंबा देण्यासाठी पुण्यातील श्री छत्रपती शिवाजी मार्केटयार्ड आडते असोसिएशन गुलटेकडीच्या वतीने बुधवारी (ता. 1 नोव्हेंबर) मार्केटयार्ड एक दिवसाकरिता बंद पुकारला आहे.(Maharashtra News)

या दिवशी सकाळी १० ते संध्याकाळी ५ वाजेपर्यंत मार्केटयार्ड मेन गेट नंबर १ येथे लाक्षणिक उपोषण करण्यात येणार आहे. तरी सर्व आडते बांधव व बाजार आवारातील सर्व घटक या बंद मध्ये सहभागी होणार आहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान हडपसर सकल मराठा समाजाच्या वतीने मराठा समाजाच्या आरक्षणासाठी हडपसर पंचकृषीतील मराठा समाजातील तब्बल ३ हजार नागरिक रस्त्यावरून उतरून मनोज जरांगे पाटील यांना जाहीर पाठिंबा दर्शवण्यासाठी पायी मोर्चा काढला.

ससाणेनगर येथील छत्रपती शिवाजी महाराज यांच्या पुतळ्याला हार घालून मोर्च्याला सुरवात करण्यात आली. पुढे हडपसर गाव गाडीतळ मार्गे सोलापूर रोड रवीदर्शन पासून गाडीतळ पीएमपीएल बस थांबा येथे शिस्तीत समारोप करण्यात आला. दरम्यान एक मराठा लाख मराठाच्या घोषणा देण्यात आल्या.

यावेळी आंदोलनकर्ते मनोज जरांगे पाटील यांना जाहीर पाठिंबा असल्याचे हात वर करून नागरिकांनी ताकद देण्याचे संकेत दिले.या मोर्चामध्ये तरुण, तरुणी, महिला,शालेय विद्यार्थिनी व लहान मुले मोठ्या संख्येने सहभागी झाले हाेते.

Edited By : Siddharth Latkar