परभणी : डोक्यावर लाखोंचे कर्ज असताना शेतातून अपेक्षित उत्पन्नाची हमी नव्हती. यामुळे कर्जाचा बोजा कसा फेडायचा या विवंचनेत असलेल्या (Farmer) शेतकऱ्याने गळफास घेऊन आत्महत्या केली. हि घटना सेलू (Selu) तालुक्यातील आडगाव दराडे येथे घडली असून रविवार संध्याकाळी सातच्या सुमारास हि घटना घडली. (Tajya Batmya)

आडगाव दराडे (परभणी) येथील शेतकरी ज्ञानेश्वर दादाराव गेरकर (वय ४८) यांनी राहत्या घरात गळफास लावून आत्महत्या केली. ज्ञानेश्वर गेरकर यांच्याकडे तीन एकर शेती आहे. खरीप हंगामात लागवड करण्यासाठी खाजगी सावकार व बँकेकडून कर्ज काढून सोयाबीनासह (Soyabean) इतर पिकांची लागवड केली होती. मात्र यंदा चांगला पाऊस झाला नसल्याने पिकांचे नुकसान झाले आहे. पावसाचा खंड पडल्याने सोयाबीनसह इतर पिके करपू लागली. 

चार लाखाचे कर्ज 

ज्ञानेश्वर गेरकर यांच्यावर बँक व सावकाराचे मिळून साधारण चार लाख रुपयांचे कर्ज होते. हे कर्ज कसे फेडावे; ह्या विवंचनेत नेरकर राहत होते. यातूनच त्यांनी आत्महत्या केल्याची माहिती समोर आली आहे. बोरी पोलिसांनी घटनेची नोंद केली असून पुढील तपास सुरू आहे.