परभणी : नैसर्गिक आपत्तीपासून पिकांचे नुकसान झाल्यास त्याची भरपाई शेतकऱ्यांना मिळावी यासाठी या वर्षी देखील पीक विमा योजना सुरु केली आहे. एक रुपयात पीक विमा उतरवून घेण्यासाठी शेतकऱ्यांना १५ जुलैपर्यंत मुदत देण्यात आली आहे. 

नैसर्गिक आपत्तीमध्ये पिकांचे संरक्षण व्हावे, यासाठी प्रधानमंत्री पीकविमा योजना २०१६ पासून अंमलात आणली आहे. या योजनेअंतर्गत गतवर्षीपासून राज्य शासनाच्या सहकार्याने (Parbhani) जिल्ह्यातील शेतकऱ्यांना एक रुपया भरून सर्वसमावेशक पीकविमा योजनेत सहभाग घेता येत आहे. या योजनेचा परभणी जिल्ह्यातील ७ लाख शेतकऱ्यांना जवळपास ४८ कोटी ९० लाख रुपयांपर्यंत फायदा होणार आहे. त्यामुळे शेतकऱ्यांना (Farmer) यंदाही एक रुपयात पीकविमा भरण्याची संधी उपलब्ध करून देण्यात आली असून त्यासाठी १५ जुलैपर्यंत मुदत देण्यात आली आहे. 

राज्य शासनाने २०२३ पासून सर्व समावेशक पीकविमा योजना राबविण्याचा निर्णय घेतला आहे. शेतकऱ्यांना केवळ एक रुपया भरून पीक विमा पोर्टलवर नोंदणी करता येणार आहे. हि नोंदणी करून शेतकऱ्यांनी योजनेचा लाभ घेण्याचे आवाहन प्रशासनाच्यावतीने करण्यात आले आहे.