सागर निकवाडे

नंदूरबार : नंदुरबार जिल्ह्यात यावर्षी मिरचीने विक्रमी आवक बाजार समितीत दाखल झाली आहे. तर हंगामाच्या (Nandurbar News) शेवटी ओली लाल मिरचीला भाव देखील चांगला मिळत आहे. यावर्षी मिरचीला मागील वर्षापेक्षा दुप्पट भाव मिळत असल्‍याने उत्‍पादक (Farmer) शेतकरी समाधानी झाला आहे. (Latest Marathi News)

नंदुरबार मिरची आगार मानले जाते. बाजार समितीत सुरुवातीला मिरचीला चांगला भाव मिळाला होता. मात्र आवक वाढल्याने भाव घसरला असल्याने शेतकऱ्यांनी मिरची विक्रीकडे पाठ फिरवली होती. परंतु हंगाम संपण्यात आला असून, मिरची पुन्हा विक्रीला सुरुवात झाली आहे.

विक्रमी भाव व विक्री

सध्या ओली लाल मिरचीला पाच हजार १०० चा भाव मिळत आहे. तर सुकी लाल मिरचीला दहा हजारपासून ते सोळा हजारपर्यंतच्या दर मिळत आहे. मिरचीला चांगला भाव मिळत असल्याने शेतकऱ्यांमध्ये समाधान आहे. यावर्षी मिरची दोन लाख १३ हजार क्विंटलपेक्षा अधिक विक्री झाली आहे. तर आणखीन काही दिवस हंगाम सुरू राहणार असल्याने हा आकडा मोठ्या प्रमाणावर वाढणार आहेत.