सागर निकवाडे 

नंदूरबार : नंदुरबार जिल्ह्यात पपई पिकावर सध्या मोझॅक रोगाचा प्रादुर्भाव झाला आहे. ऐन पपई काढणीच्या तोंडावर पपईवर रोग आल्याने शेतकऱ्यांसमोर संकट उभ राहील आहे. यावर्षी पपईला विक्रमी असा दर मिळत आहे. त्यामुळे शेतकऱ्यांमध्ये समाधान दिसून येत आहे. परंतु पपईवर रोग आल्यामुळे शेतकऱ्यांसमोर संकट येऊन ठेपले आहे. यामुळे फळ खराब होण्याची शक्यता निर्माण झाली आहे.  

नंदुरबार जिल्ह्यात पपईच्या मोठ्या प्रमाणात उत्पादन घेतले जात असते. दरवर्षी प्रमाणे यंदा देखील मोठ्या प्रमाणात शेतकऱ्यांनी पपई लागवड केली होती. दरम्यान मागील काही दिवसात वातावरणात झालेल्या बदलामुळे पपई पिकावर मोझेक व डावनी रोगाचा प्रादुर्भाव पडल्याचे पाहण्यास मिळत होते. यावर काहीसे नियंत्रण मिळाल्यानंतर आता पुन्हा मोझॅक रोगाचा प्रादुर्भाव वाढत असल्याचे पाहण्यास मिळत आहे.

पपईला मिळतोय विक्रमी दर 

उत्तर प्रदेशच्या प्रयागराज मध्ये कुंभमेळा सुरू असल्याने त्याठिकाणी पपईची मोठ्या प्रमाणात मागणी होत आहे. परिणामी पपईची मागणी मोठी वाढली आहे. त्यामुळे पपईला वीस रुपयाच्या विक्रमी दर मिळत आहे. त्यामुळे शेतकऱ्यांमध्ये समाधान दिसून येत आहे. पुढील काही दिवस पपईला चांगला दर मिळण्याची अपेक्षा शेतकऱ्यांकडून व्यक्त होत आहे. 

रोगामुळे शेतकरी संकटात 

एकीकडे पपईच्या मागणीत वाढ झाल्याने दर देखील वाढत आहे. यामुळे आता शेतकरी पपईचे फळ काढणी करत आहे. दरम्यान ऐन पपई काढणीच्या वेळेस आलेल्या रोगामुळे शेतकऱ्यांसमोर नवीन संकट उभा राहिले आहे. पपईवर आलेल्या मोझेक रोगामुळे शेतकऱ्यांसमोर नवीन संकट उभा राहिला आहे. उशिरा लागवड केलेल्या शेतकऱ्यांसमोर हे संकट मोठा असून या संकटातून मार्ग कसा काढावा असा प्रश्न आता उपस्थित होत आहे.