सागर निकवाडे 
नंदूरबार : केळी लागवड केल्यानंतर शेतकऱ्याने ती वाढविली. घड तयार झाल्यानंतर त्याचे पोषण होण्यासाठी औषधी फवारणी केली. मात्र यात केळीचे पोषण न होता ती पिवळी पडल्याचा प्रकार शहादा (Shahada) तालुक्यातील म्हसावद येथे समोर आली आहे. यात शेतकऱ्याचे (Farmer) साधारण ७० ते ७५ लाखाचे नुकसान झाले आहे. (Maharashtra News)

नंदुरबार जिल्ह्यातील शहादा तालुक्यातील म्हसावद येथील केळी उत्पादक शेतकरी महेंद्र पाटील यांनी आपल्या ११ एकर क्षेत्रावर केळीची (Banana Crop) लागवड केली आहे. काही दिवसांनी केळीचा पद पडणार होता. या अगोदर केळीचे घड तयार झाल्यानंतर घडांचे पोषण करण्यासाठी त्यांनी औषधाची फवारणी केली. या औषधाच्या फवारणीमुळे दोनच दिवसात केळी पिवळ्या पडल्याची घटना समोर आली आहे. या फवारणीमुळे पाटील यांचे जवळपास ७० ते ७५ लाखाचे नुकसान झाले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

केळीवर केला १५ लाखाचा खर्च 

पाटील यांनी आपल्या अकरा एकर क्षेत्रावर आतापर्यंत १५ लाख रुपये खर्च केलेले आहेत. मात्र कंपनीच्या चुकीमुळे आणि औषधांचा साईड इफेक्टमुळे पाटील यांना मोठ्या आर्थिक नुकसानीला समोर जावे लागत आहे. त्यामुळे कृषी विभागाने संबंधित नुकसानीचा पंचनामा करून संबंधित कंपनीवर कारवाई करावी; अशी मागणी पाटील यांनी केली आहे.