शुभम देशमुख 
भंडारा : शेतात धान कापणीचे काम जिकडे तिकडे सुरु आहे. दुपारी कडक ऊन पडत असल्याने सकाळीच कापणीच्या कामासाठी मजूर शेतात जात आहेत. दरम्यान सकाळच्या सुमारास धान कापणी करिता गेलेल्या मजूर महिलावर मधमाश्यानी हल्ला चढवीला. यात तीन मजूर महिला गंभीररित्या जखमी झाल्या आहेत.  

सदरची घटना (Bhandara) भंडाऱ्याच्या लाखांदूर तालुक्यातील बारव्हा शेत शिवारात घडली. यात जोत्स्ना मखरे (वय २९), शिला बोरकर (वय ५०) आणि महानंदा कांबळे (वय ४५) असे हल्ल्यात जखमी झालेल्या मजूर महिलांचे नाव आहे. दरम्यान पाऊस थांबल्याने शेतातील पीक काढणीच्या कामाला वेग आला आहे. त्यानुसार भंडारा जिल्ह्यात देखील सध्या धान कापणीचे काम सुरु असून सकाळीच मजूर शेतात जात असतो. त्यानुसार बारव्हा येथे महिला मजूर धान कापणीसाठी जात असताना मधमाश्यांची हल्ला चढविला. 

मधमाश्याच्या (Bee) हल्ल्यातून बचाव करण्यासाठी महिलांजवळ काहीच साधन नसल्याने तिन्ही महिला गंभीर जखमी झाल्या आहेत. त्यांना लागलीच बारव्हा येथील प्राथमिक आरोग्य केंद्रात उपचारासाठी दाखल केले. मात्र येथे उपचाराची सोय उपलब्ध नसल्याचे कारण पुढे करून पुढील उपचारासाठी लाखांदूर येथील ग्रामीण रुग्णालयात स्थलातरण करण्यात आले आहे.