मोखाडा : पावसाने प्रदीर्घकाळ ओढ दिल्यानंतर परतीच्या पावसाचे जोरदार आगमन झाले. या पार्टीच्या पावसामुळे भात शेतीचे मोठ्या प्रमाणात नुकसान झाले. हातातोंडाशी आलेला घास हिरावून गेल्याने शेतकरी चिंतेत सापडले आहे.

भारतीय हवामान विभागाकडून प्राप्त झालेल्या अंदाजानुसार सध्या जो पाऊस (Rain) पडतो; तो परतीचा पाऊस नसून कर्नाटक व गोवा किनारपट्टीवर पुर्व व मध्य अरबी समुद्रात कमी दाबाचे क्षेत्र तयार झाले आहे. पुढील दोन दिवस हलक्या व मध्यम स्वरूपाचा पाऊस पडण्याचा अंदाज देण्यात आले आहे. अनेक भागात जोरदार पाऊस पडला आहे. यामुळे शेतातील पिकांचे मोठे नुकसान झाले आहे. 

मागील काही दिवसांपासून परतीच्या पावसाने धुमाकूळ घातला आहे. यात जव्हार, मोखाडा तालुक्यात परतीच्या पावसामुळे शेतात कापून वाळत ठेवलेले भात सावरायला व झाकायला शेतकऱ्यांना वेळच मिळाला नाही. पावसाच्या पाण्याने कापलेले भात वळे चिंब भिजून तरंगताना दिसत आहे. यामुळे शेतकऱ्यांचे प्रचंड नुकसान झाले आहे. महसूल विभाग व कृषी विभागा मार्फत पंचनामा करून नुकसान भरपाईची मागणी शेतकरी करत आहेत.