Shirur News : सध्या दिवाळीचा सण सुरू आहे. त्यामुळे झेंडू शेवंती यासारख्या फुलांना मोठ्या प्रमाणात मागणी आहे. परंतु मागणी जरी मोठ्या प्रमाणात असली तरी फुलांना पाहिजे तो बाजारभाव मिळत नाही असे चित्र आहे. (Maharashtra News)

झेंडूसह (marigold) शेवंतीच्या फुलांना अवघा 20 ते 30 रुपये किलोचा बाजारभाव मिळत आहे. त्यामुळे केलेला खर्च आणि मजुरी खर्चही निघत नसल्याने फुल उत्पादक शेतकरी आर्थिक संकटात सापडला आहे.

याबराेबरच गणपती, दसरा आणि दिवाळी (diwali) या उत्सवांत शेतक-यांना त्यांच्या फुलांना उत्तम दर मिळेल अशी खात्री असते. फुलांची आवक माेठ्या प्रमाणात असली तरी प्लास्टिकची फुले बाजारात विक्रीसाठी असल्याने नैसर्गिक फुलांच्या विक्रीत देखील घट हाेत असल्याचे दिसून येत आहे. त्यामुळे शेतकरी कृत्रिम फुलांवर बंदी घातली पाहिजे अशी भूमिका मांडताना देखील दिसतात.

Edited By : Siddharth Latkar