भारत नागणे

पंढरपूर शहर (Pandharpur City) व तालुक्यातील अनेक भागात‌‌ रात्री मेघगर्जेनेसह जोरदार पाऊस झाला. या पावसामुळे खरीप पिकांना (Kharif Season) जीवदान मिळाले आहे. मागील काही दिवसांपासून पावसाने दांडी मारली होती. सुरवातीला काही प्रमाणात पाऊस झाला होता. पावसाच्या भरोसे शेतकऱ्यांनी खरीप पेरणी केली होती.

दरम्यान, मागील पंधरा दिवसांपासून पावसाने दांडी मारली होती. त्यामुळे खरीप पिके पावसाअभावी वाया जातात की काय अशी भिती होती. शेतकरी पावसाच्या प्रतिक्षेत होते. दरम्यान मेघगर्जेनेसह जोरदार पाऊस झाला. पावसामुळे सर्वत्र पाणी पाणी झाले. या पावसामुळे खरीप पिकांना जीवदान मिळाले. तर ऊस पिकांना हा पाऊस अत्यंत पोषक ठरला आहे. जोरदार झालेल्या पावसामुळे शहरातील व उपनगरातील रस्ते चिखलमय झाले होते.

त्यामुळे नागरिकांना चिखलातूनच वाट काढावी लागली. तालुक्यातील उपरी, गादेगाव, वाखरी, टाकळी, कोर्टी, कासेगाव, भंडीशेगाव, शेगावदुमाला यासह अन्य भागातही जोरदार व मध्यमस्वरुपाचा पाऊस झाला.