संदीप भोसले 
लातूर : सोयाबीनला मिळत असलेल्या कमी भावामुळे शेतकऱ्यांचे नुकसान होत आहे. सोयाबीनची दर वाढ व्हावी यासाठी लातूरच्या कृषी उत्पन्न बाजार समितीत आज मनसेकडून सोयाबीन शेतमालाचा सकाळी होणारा सौदा बंद पाडण्यात आला. यानंतर भाववाढीसाठी बाजार समितीमध्ये आंदोलन करण्यात आले आहे. 

राज्यातील जवळपास सर्वच कृषी उत्पन्न बाजार समितीमध्ये (Bajar Samiti) सोयाबीनसह मूग, उडीद या शेतमालाला कमी भाव मिळत आहे. विशेष म्हणजे या धान्याला शासनाने ठरवून दिलेल्या हमी भावापेक्षा देखील कमी दराने शेतकऱ्यांचा माल खरेदी केला जात आहे. त्यामुळे शेतमालाचा लिलाव होत असताना देखील हमीभावापेक्षा जास्त भाव द्या. या मागणीसाठी महाराष्ट्र नवनिर्माण सेनेच्यावतीने (MNS) बाजार समितीमध्ये जात सौदा प्रक्रिया बंद पाडण्यात आली. 

मनसेचे आंदोलन 

तसेच बाजार समितीत निघणारा पोटलीचा भाव हा अनधिकृत आहे. तर हा भाव हमीभावापेक्षाही २०० रुपये कमीने काढला जात आहे.  त्यामुळे पायली, कडते, मातेरे यामधून सुद्धा शेतकऱ्यांची लूट केली जात आहे. हे सर्व अनधिकृत सौदे बंद व्हावे; यासाठी मनसेकडून बाजार समितीतील आजचा सौदा उधळत आंदोलन करण्यात आले.