संदीप भोसले

लातूर : पारंपरिक शेती करत अनेक शेतकरी तेच ते उत्पादन शेतातून घेत असतात. परंतु काही शेतकरी हे आधुनिक (Latur) शेतीकडे वळला आहे. यातून प्रगती देखील साधत आहेत. अशाच प्रकारे लातूर जिल्ह्यातील एका तरुण शेतकऱ्याने आधुनिक पद्धतीचा अवलंब करत मिरची लागवडीतून भरघोस उत्पन्न मिळवत आहे.  (Maharashtra News)

लातूरला २०१६ मध्ये रेल्वेने पाणी आणलं. मात्र आता त्याच लातूर जिल्ह्यातील शेतकऱ्यांनी शेती विश्वात मोठी प्रगती केली आहे. लातूर जिल्ह्यातील बहुतांश शेतकरी (Farmer) आता आधुनिक पद्धतीच्या शेतीकडे वळलेला दिसतोय. अशाच प्रकारे लातूरपासून साधारणत: २५ किलोमीटर अंतरावर असलेल्या चाकूर तालुक्यातील नांदगाव येथील गणेश चन्नागिरे या २७ वर्षीय तरुण शेतकऱ्याने शेतीचे योग्य आर्थिक गणित लावले. त्यानुसार आपल्या दोन एकर क्षेत्रावर बाहेर देशातील मिरची वाहनाची शेती केली आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

गणेश नन्नागिरे या तरुण शेतकऱ्याने मिरची लागवड केली. हीच मिरची एखादी कंपनीसोबत करार करून परदेशात देखील निर्यात केली जाते. साधारणपणे मिरचीला २९ हजार रुपये प्रतिक्विंटल इतका दर मिळत असल्याचे हा तरुण शेतकरी सांगत आहे. यामुळे त्याचे आर्थिक गणित देखील सुधारले आहे.