जळगाव : चोपडा तालुक्‍यातील गणपूर शिवारात वीजतारांमध्‍ये झालेल्‍या स्‍पार्किंगमुळे डॉ. राजेंद्र सोनवणे व शेतकरी कृती समितीचे एस. बी. पाटील यांच्या शेतातील तोडणीला आलेल्या उसाला आग लागली. आगीत १२ एकरांवरील उसासह (Sugarcane) पाइपलाइन जळून खाक झाली. (jalgaon news Sugarcane fire on twelve acres farmer Loss of fifteen lakhs)

बुधवारी (ता. २७) दुपारी जोरदार वारा आल्याने वीजतारांच्या घर्षणामुळे ठिणगी पडली. डॉ. राजेंद्र सोनवणे व एस. बी. पाटील (Farmer) यांचा सामायिक १२ एकर ऊस, पाइपलाइन व ठिबक जळून खाक झाले. अंदाजे १५ लाख रुपयांचे नुकसान झाल्याचा अंदाज आहे. वीज कंपनीचे अभियंता टेकाडे, साखर कारखान्याचे शेतकी अधिकारी देसले, अकबर पिंजारी, कारखाना संचालक प्रदीप पाटील, ग्रामपंचायत सदस्य विजय भावसार, सामाजिक कार्यकर्ते प्रकाश पाटील, आरिफ शेख यांनी तत्काळ घटनास्थळी भेट देऊन प्राथमिक चौकशी केली.