Pune News : गणेशोत्सवानिमित्त कृत्रिम प्लास्टिक फुलांना आणि त्यापासून तयार केलेल्या विविध वस्तूंनी बाजारपेठा फुलल्या आहेत. त्यामुळे सणासुदीच्या दिवसांत फुलशेतीला उतरती कळा लागली आहे असे चित्र केवळ पुणे जिल्ह्यातच नव्हे तर संपुर्ण महाराष्ट्रात दिसून येत आहे. (Maharashtra News)

गणेशोत्सवात झेंडू, मोगरा, गुलाब, चाफा, जास्वंद अशा विविध फुलांतुन गणेशोत्सवात सजावट केली जाते. सार्वजनिक गणेशाेत्सव मंडळे देखील फुलांची मागणी करीत असतात. मात्र सध्या शेती फुलांची जागा कृत्रिम फुलांनी घेतल्याने फुल उत्पादक शेतकरी संकटात सापडला आहे.

शेतीच्या फुलांना मागणी कमी झाल्याने फुलांना बाजारभाव मिळत नाही. दुसरीकडे वातावरणातील बदलामुळे उत्पादन खर्चही वाढला आहे. त्यातच फुलशेती संकटात असताना आकर्षक फुलांची जागा आता कृत्रिम फुलांनी घेतली आहे. त्यामुळे शेतात मोठा भांडवली खर्च करुन फुलवलेली फुलशेती आणि शेतकरी गणेशोत्सवात (ganesh festival) संकटात सापडली आहे.

Edited By : Siddharth Latkar